Les jardinssouvenirs d chés dimanches
par Marie-Claire le, 24/09/200510h50 chés cloches sonnent, vite in va core ete in r'tard, j'passe prinde m'copine su l' chemin, 500 m pour arriver, cha va in s'ra pas les premières ni les dernières ...
In s'installe dins chés derniers rangs à gauche, ben ouais ché comme cha, chés femmes à gauche et chés hommes à droite mais ché femmes sont quand même autorisées à droite mais jamais l'contraire, j'a jamais compris ch't'affaire là !
in papote, in observe l'foule d' chés fidèles, in commente à voix basse, in pouffe sous cape comme toutes chés garnoules de ch't'age là (moins d'vingt ans), in est core un peu bete ..
In ravise chés statues, el voute, chés vitraux et l'plaque commémoratiffe d'chés victimes de guerre dont j'cros avoir connu l'liste d'noms par coeur à un momint donné
Ché la fin, tout l'monte s'arteuve su ch'parvis par tiots groupes et pour d'autes passache obligé, ch'café "chez Elise"
L'temps d'rintrer et d'finir d'préparer ch'repas pour chés femmes, in mingeot pas d'bonne heure l'dimanche à Enquin.
