queques photos artrouvées

j' raviso hier dins mes photos et j a artrouvé quequ' photos qui viendrotent compléter differents zartiques que j a mis d' puis plusieurs semaines
mais à armette ché photos au niveau d' chaque sujet, vous verriez pas qu in a mis d' nouvelles photos , donc j' va vous faire ichi 2 zartiques avec différentes photos et avec eune explication à chaque coup

premiere photo
in parlo del station service du garache Bondu et du café attenant , quartier général d' la boxe bruaysienne, cha a été transformé in parking

seconde photo

in vo l' cote des grands bureaux, qui mene à la rue Henri Cadot , l' centre d' bruay, et su la droite ch' magasin Top Carrelage du qui yavo ch' garache Bondu

troisième photo

à la plache de cht' immeupe d habitation, y a eu au départ les Grands Bureaux d' la Compagnie des Mines de Bruay , pi après juste à l emplach'mint du qui a l immeupe, ch' garache Bondu i avo construit eune salle d exposition pour ses carettes

quatrieme photo
eune belle vue d' la cote des grands bureaux, in la connaisso par coeur , chéto su not' chemin pour aller au lycée
j' me souviens les jurs d' neiche qui avo pas mal d' carettes qui restotent in plan sul' bas coté del route, pas facile à monter avec l' neiche , avec les équip'mints d' l époque

Merci Minloute pour ché photos.
T'a l'souvenir d'el cote des grands bureaux par temps ed neiche. Ché vrai qu'chéto point facile ar monter. Mais mi j'ai aussi l'souvenir d'el cote des grands bureaux d'in haut, du qu'ta pris el photo, au momint ed Noël avec ché illuminations. In particulier ché guirlandes d'ampoules à travers el rue qui fajot comme un tapis ed lumière. Cha comminchot au niveau d'l'agence ed voyaches jusqu'un bas vers el carrefour Lemoine. Tiens justemint, t'é dos t'in rapler Minloute, qu'à l'agence ed voyaches, al vitrine, y'avot in n'armure d'exposée. In n'armure complète comme au temps ed ché chevaliers.

el cote des grands bureaux cha m'rappelle qu'un matin ou y avo du verglas j'attindo ech bus artésien un haut del cote a hauteur del rue de paris y est pas passé pasque y in avo un ed bus qui avo défoncé ech passage a niveau qui avo in bas del cote
nous quand y avo du verglas in metto des vieilles chaussettes par dessus nos godasses et vous?