l' tirette et l' chevayère

in va mette des sous pour acater des nunuches ....
pi quand té mets eune pieche, cha s' coinche eune fo sur deux ...

combien d 'fos que j' la intindu cha .... djà intrainer m' mère al' ducasse chéto un exploit , alors in plus qu ale mette eune pieche dins l' tirette, là cha a toudis resté dins mes reffes ........

ouais, m'mère ale avo pas ker l' ducasse, pour vous dire que quand que j éto tchiot in allo seul'mint al' ducasse qui yavo au bout del rue d' Paris , ché vous dire que chéto eune grante ducasse .......

j' va pas cor trop raler, pasque j' me souviens qu ale m y avo acaté , un pistolet d' coboille, in plastique transparent du qu' d'dins y avo des tchiots chuques multicolores ...
que mi j' m in fouto des tchiots chuques et que j éto interessé que par ch' pistolet

meme que l année aprés j a eu dro à un pistolet d' pirates , ouais mes gins, j in vo d' ichi qui m' jalousse, mais mi j a eu min pistolet d' pirates à mi ....

par conte l' tirette, comme diro l' aute "va t en laver tes gampes ....."
yavo 2 sortes d' tirettes, i n avo du qu' dins y avo des chingomes et un tout tchiot gadget, mais ché pas chtilale qu in voulo juer, ché à l aute

savez chti que si in metto l' pieche au d' sur, et qu in tourno d un coup sec l' poignée, et qu in intindo en meme temps l' pieche querre dins l' boitier pi dins l' meme laps d' temps yavo eune boule transparente qu ale queyo in bas

fallo cor et' assez rapite pour l' rattraper, y a des coups ch' clapet i l' freino à peine et cha queyo à terre

mi j allo vire ché jones qui mettotent eune pieche dins l appareil, pasque té pouvo gagner des juets extraordinaires, in l' voyo sul' devant del tirette

chéto dessiné in couleur, té pouvo gagner des araignées in plastique plus horripes les zeunes qu' les zautes, des velues, avec des gros ziux rouches ou verts (allez convaique m' mère d' m acater eune chosse qu ale éto pas rassurée, chéto perdu d avinche)

d' zaraignées que j' me voyo djà planquer sul' caielle dem' mère ou dem' grand mère ....j' vous la dit ché resté à l état de reffes ....

yavo pas qu' des zaraignées qu in pouvo gagner, yavo aussi des faux serpents in plastique vert, que tel preno par la queue et que tel' secouo , t avo l impression qui vivo ...............
parel, chéto meme pas la peine d y pinser ........

yavo aut' cosse qui m' plaijo bin , yavo des chevayeres .......
quo cha n est qu' cha des chevayeres ?

ché des bagues mais commme i zavotent ché chevayers au moyen ache

y avo pas qu eux d ailleurs, in in voyo aussi al' télé ach' momint là , la chevayere chéto dans la panoplie du jeune dragueux qui voulo s' la péter

la chevayère sans oublier l étui à cigarettes in ferale argenté, pire in doré ......sans oublier ch' briquet Sylver Match ..............

nous chti qu in arluquo dins l' machine à tirette, chéto pas eune chevayere aussi belle, mais d'sur y avo un magnifique faux bijou , un rubis rouche in plastique et là ins ' pamo d' vant tchti qui gagno cha .....

faut dire aussi que chéto faut l' dire "l' loterie" , té metto t' pieche pas tout d' suite comme cha dins l' machine sans raviser ............

ins' pincho in d'sous pour deviner l' quel des boites rontes in plastique qu ale allo querre in premier

y a des coups j' les voyo attinte qui n a un qui jue, pi i zallotent raviser quo qui avo gagné, pi aprés i ravisotent commint s étotent plachées ché boules in d'sous asteure

chéto que des supputations pasque chéto pas toudis c' que té voulo qui quéyo ............

en C E 2 j ' reluquo sur eune magnifique bague qui avo min vigin , chéto eune bague qui laisso dins' trousse, im' la montro quand que ch' maite, Mr Pruvost, i avo l' dos tourné

j' sais pas du qui avo acaté ou récupéré cha, mais chéto eune chevayere in fer, eune grosse chevayere, et que d' sus, chéto LE TOP DU TOP , yavo d incrusté eune tete de mort ...........

ah pouvez sourire asteure, mais rappelez vous quand que zétotent tchiots, la tete de mort, chéto l' sine des pirates, et cha avo eune valeur inestimapes ......

j' el raviso, jel' reluquo, j' el voulo, l' aute min vigin i éto pas fou, i voyo que cham' plaijo, et i mel montro régulier'mint

et j a voulu li acater, mon diu , cha m a couté cher ch' t histoire là, chaque semaine j'avo dro à 5 francs comme argent d' poche, bin j a du li donner 3 coups à la suite, mais voyez , m' priver d' bonbons pour avoir l' bague , cha m' couto pas si j' peux dire

mais j avo fait un mauvais calcul, j a récupéré l' bague, et j' l avo mis dans m' trousse , pi l' jeudi aprés, ouais chéto l' jeudi l' jour qu in allo pas en classe, j avo inventé un stratagème pour que m' mère ale vo que j a eune chevayere ...
j arviens d' juer vers midi al' mason, j' venos del pature qui yavo dans l'rue leverrier, j' rinte al' mason, chevayere dins m' main , en dijant "té sait pas quoi manman, j a trouvé cha par terre " , persuadé que j éto que m' mère al' diro rin

j' sais pas mais ché manman ale zont un sixieme sens, ale m a pas cru eune seconte, et ale m a consfiqué cha in dijant qu in plus chéto pas bio , qu ale voulo savoir du que j avo trouvé cha en vrai

j a pas cédé mais j a vu l' bague finir dinch' fourneau ....

zallez dire l' histoire as' termine comme cha, bin nan .... pas longtimps après min vigin i m' dit " t as cor l' bague, i mel faut " j y réponds qu' nan, in fait chéto eune bague qui apparteno à sin grand frère et qui li avo volé et qu' sin frère i s' douto que chéto li ..........

bin in n a été pour ses frais li aussi, car comme auro pu dire un d' nos zinstituteux , in s' artournant vers ch' tableau, pour écrire à la craie avec s' plus belle écriture durant le cours de Morale :

"Bien mal acquis, ne profite jamais" ...

à méditer mes gins, à méditer

Merci Minloute pour el souvenir d'el tirette. Sur ché tirette et ché boites in carton chéto marqué 'Plaisir d'offrir". Ché vrai qu'chéto attrayant avec tout squ'y avot in faça. Ché briquets style silver match z'étotent toutes les 10 boites.
J'va donné un tiot souvenir personnel. Sur certaines tirettes, ché plus vielles, y'avot un truc pour avoir 2 boites au lieu d'une. t'es mettos 1 franc, t'é sacquos sur el tirette, t'es préno t'boite. Pi in n'armettant el tirette au fond, in même temps, té sacquos sur in n'ote tirette et chette dernière qui s'ouvrot. Cha marcho pas sur toutes mais fallot ar r'pérer chelles qui allotent.

j'ai utilisé l' meme procédé que boxerman, ej vo que j'éto pas l'seul.
i a eu l'époque peace and love j'avo eune douzaine d'années in pouvo gagner des tiotes médales in ferale avec l'insigne de paix ou des écussons qu'in cousot sur nos jeans in voulot arsonner à des hippies té parles avec des caveux cours in avo l'air fin.

in juot aussi ale tirette. mais chéto pas l'meme n'allez pas vous imaginez des choses.
ej m'explique, quand on allo juer au baby i a des copains qui nous avo arfilé l'truc au lieu d' mette eune pièche dins l' fente avant d'tirer l' bidule in introduisot eune lame d'scie mais i fallot avoir plusieurs jeux chéto comme eune serrure ou i faut essayer plusieurs clés pour l'ouvrir. mais i fallo faire vite.
malheureusemint soit on a été dénonché, ou les patrons ont découverts l'pot aux roses. i z'ont eu vite fait d'canger l'système.

mais in a treuvé la parate avec 4 ou 5 copains triés sur l'volet dont min meilleur camarate Serge D que j'essaye d'artreuver mais pour l'instant sans résultat. in allot juer au...Temple rue des escaliers dins l'arrière salle chéto gratuit.
si nos parints l'avotent su......
vous allez m' dire nounours té faisot pire qu'à pinte? cha ché le hors d'oeuvre ej peux aussi vous raconter l' jour ou avec min fameux camarate in a jué au tennis à... ej va m'arrêter la pour n'pas froisser certaines personnes...

Bin cha cha nous transporte sur ché ducasses. Din ché tirettes ej me rappelle ed ché odeurs. ouai mes gins y'avo les odeurs ed ché gadgets qui étotent particulières.
Chéto généralmint des gadgets faits in chine "made in china" et ch'coutchouc dégajot in odeur assez forte. Comme chez pneux ed ché voitures à friction in ferraille toudis fabriquées in chine.

J'me rappelle que din ché tirettes y'avo gramin d'trucs in caoutchouc commes ché araignées et autes animaux qui dégégeotent in odeur bin parictulière. Et pour min nounours adoré, mi à ché babyfoot j'utilisos un resort ed réveil qu'ej coupot et qu'j'introduisos entre el tirette d'ech babyfoot éch moneyeur.
J'ai su par leu fils que monsieur et mme Tilette étotent au courant ed note combine mais y fermotent leurs yeux. Merci pour eux.