de la mixité au stylo pleume

ouais mi j a toudis eu ker ché garnoules, cha nous cangeo del' primaire , pi au fil du temps cha m a pas quitté ............

pi mi comme j éto eune amusette, j 'do dire qu avec du r'cul, cha m' a ouvré bin des portes, enfin ché eune façon d' parler .....

mais arvenons à "cro magnon" que j éto devenu en fin d' sixieme, début d' cinquième

j' avo moins d' cahiers écornés, vu que j'infourno pu min cahier dins ch' cartape dès que l' sonnerie al' retentisso , infourno éto l' mot, si cha résisto , ch' forcho, quite à c' quel' cahier i rinte in forche dins l' live d histoire ou l' cahier d' correspondance ...

faut dire qu un coup , à peine que j avo intindu l' sonnette dinch' couloir, j avo incrinqué min cahier dins min sac, alors que ch' prof i avo pas fini sin cours et qui m avo vu tout ringer ...................

j avo artenu l' leçon après, après j' m' éto amélioré quand meme sur la tenue d' mes cahiers meme si chéto loin des "enluminures" des cahiers des garnoules ....

zallez dire , té devo miu écrire à partir del sixieme vu qui yavo pu d' porte pleume ...

ouais mi j avo pris cha pour du progrès, pu d' porte pleume, pu d' encrier, pu d' patés su ché feules, pu d' buvard ...

j allo écrire 2 fo miu, j in éto persuadé .......... bin mes gin j' do vous avouer que chéto aussi pire, voir pire

j'a jamais su écrire bien avec un stylo à bille plus d' eune minute
cor asteure, dés que j' prinds un stylo à bille, j a eune écriture d' méd'cin....

j' sais pas j arriffe pas à bin faire ché ronds, ché "E" i ressempent à des "I"...

j' fais des "M" à 2 pattes 1/4, bref pas eune belle écriture ...
bon yavo cor pire qu' mi min camarate Bourdon , un grand frisé costaud, l' prof ale li avo rindu sin devoir avec l' annotation "zéro, je ne corrige pas les pattes de mouches"

faut dire que li chéto presque d' l écriture cunéiforme qui faijo, tandis qu' mi chéto du bas latin en comparaison


j in a essayé des marques , les Bic transparents à grosse écriture, les Bic orange à fine écriture, pas les bic 2 ou 4 couleurs , cheulale in a eu dro d' les utiliser qu à partir del quatrième, yavo aussi ché Reynolds.......

mais rin à faire meme en m appliquant et cor maintenant , mi et le stylo à bile, ché pas génial

pi y a un momint est arrivé la solution le stylo pleume ....

enfin j' croyo, pasque ché premiers stylo pleume qu in a eu, chéto cheux avec eune pipette ....

zavez compris d avinche ...... quo ch est qui nous raconte avec eune pipette ?

ouais mes gins chéto pon comme asteure du qu in met et qu on inleffe des cartouches tout facilmint

nan fallo dévisser l' corps du stylo pleume, d' dins chéto comme eune pompe, en fait pour l' rimplir , fallo tremper l' pleume du stylo pleume dans eune boutele d' encre, pi armonter l' pipette, cha pompo l' encre pour rimplir l'réservoir ..................................................................................................... ............................................
j a mis des pointillés, pasque rin qu à lire c' que j a marqué juste avant , zavez deviné la suite ......

fallo tremper l' bout del pleume en acier dans l' boutele d' encre ............

cha m' est arrivé d' faire tomber le stylo pleume dans l' encrier ouais ouais

cha m' est arrivé d' renverser l' boutele d' enque ouais ouais

cha m' est arrivé d' tirer trop fort sul 'pipette, que cha casse et que l' enque al' sorte du stylo pleume ouais ouais

j' vous dis pas à chaque coup dans quel état j avo les mains

out' que j' me faijo ingueuler par m' mère, pasque bin sur au passache j avo mis plein d 'enque sur m' marrone ou min pull ...
l' pire chéto l' phrase de' m mère "ti t as 2 mains gauches" ..............

bon faut dire aussi que chéto les premiers sytlo plume et que chéto un peu "rustique"

meme bin rempli, cha arrivo qu' cha fuit dins l' trousse, surtout dins l' mienne d ailleurs ........

et que plaiji in allant arquerre t' trousse dins l' fond d' tin sac, et d' vire que cha avo fuit d' dins ....

faut dire que min cartape ché bin possipe que j' l' a un peu "mollesté" juste avant ..................

ché seul'mint en cinquieme qu in a vu arriver les stylo pleumes "Stypen" , savez ceux avec les tchiotes cartouches d' encre comme asteure ....

MAIS MAIS MAIS qui in plus d' asteure, yavo eune bile qui freumo l' cartouche et qu' eune fo l' cartouche vidée, l' bile ale resto dins l' cartouche

alors pour faire "genre" , in avo toudis dins le stylo pleume, eune cartouche pour écrire bin sur, mais l aute cartouche qui auro pu et' eune aute cartouche pleine qu in auro mis al' plache d' l aute quand qu ale auro été finie .......................

BIN NAN , in laisso eune cartouche vide avec s' bile à l intérieur, comme cha quand qu in ayonno le stylo pleume cha faijo gling gling ...............