armontée dinch' nord 3

ch' train i avo comminché à s' éloigner du quai, in comminche à passer les differents postes d aiguillaches

su la gauche , eune série d' immeupes vétustes,presentent leu farnietes al' peinture blanque écaillée


d' chaque coté, ché murs d' béton i sont couverts d' tags plus ou moins anciens, plus ou moins réussis , toudis agressifs

y a un momint qui faut guetter, su la gauche, un court instant , comme pour eune farniete d' tir, in aperçoit entre 2 immeupes eune trouée du que trone tout in haut le sacré coeur

in quitte comme in dit "paris intra muros" ..........

pas difficile à d' viner, rin qu à vire toutes ché affiches publicitaires (HITACHI, TOSHIBA,etc ) , installées au d'sus des immeupes qui font l' tour d' boulevard périphérique

asteure ch est la friche industrielle entre Paris et le Stade de ST Denis

successions de voies de garache, d aiguillaches, de station'mint, de lavaches pour tous les TGV confondus, du jaune Thalys au bleu et gris Tgv classique

in passe les premieres forets, mais ché des forets de potiaux à haute tension qui viennent enlaidir cor plus un paysache ingrat

au fond su la gauche, comme des immenses sentinelles élancées, in vo ché des rangées d' peupliers...

j' arconno au fond les barres d immeupe de Villeneuve la Garenne, dire que cha m arrivo d' venir par ichi .......

toudis autant de tags su ché murs, eune vraie agression, comme si chéto del violence, in tout cas j' l archint comme cha

in comminche à passer les premieres gares d' banlieue, St Denis , Epinay ...

paradoxal'mint in vo cor des gardins ouvriers, des parcelles d' verdure sauvaches au miyeu des barres d immeupes et des ilots d' pavillons des années 30

in comminche à rouler plus vite, in arriffe cor à bien distinguer la circulation routiere , ché carettes agglutinées au niveau d un feu rouche ...

au détour d' la voie, les espaces verts sont enfin de plus en plus courant

on comminche à printe d' la distance, on distingue bin d' l aute coté , vers l'est , du coté du pavillon baltard , les gigantesques tours qui semblent et' l' pendant du quartier de la défense, situé à l'aute bout d' paris, en ligne droite ......

là in passe pas loin du que j a habité durant près d' 20 ans , j' vo la colline caractéristique du qui a le chateau d écouen , j' vo l' route que j' prenno quand que j allo au centre commercial de Villepinte , toiture du buffalo grill, pi rapid'mint les grands grillaches d' l aéroport , avec l' bout des carénages visipes en bout d' piste

dans l' ciel, avec l' recul qu in peut avoir en train, in vo que ché qu un immense ballet d' appareils tout autour des pistes d attérissaches, appareils venant de toutes les directions , évoluant à des altitutes différentes, en procédure d 'approche, d' attérissache ou de décollache ......