du qui sont nés les plus bios bébés du monte

si mes gins, ché là , ché là que sont les plus bios bébés du monte ......

j' parle des garchons bin sur, pasque ché files ché moins bio quand meme

chéto l' ancienne résidence de Jules Elby, fils d' un agriculteur de Gonnelieu dans le nord, qui a v'nu travailler aux mines d' Bruay dins ché bureaux

à croire qui yavo del compétence, y a franchi toutes ché zétapes professionelles, à croire aussi qui avo du charme , pasqu i a épousé l' file du directeur d' la Compagnie des Mines Alfred Leroy

certains diront que cha peut aider pour franchir ché zétapes, mais j' rappelle "à not' aimape clientèle" que si M Elby i éto pas v'nu à Bruay, mi j' s' ro pas ichi in train d' vous raconter in long , in larche et in travers la vie des mines et mes souv'nirs d' Bruay

tout cha pasque M Elby y avo comme filleule eune file Furgerot, que toute l' Famile Furgerot ale a attéri ichi à Bruay pour que ché files et ché zhommes et ché garchons qui avotent abandonné leu terre agricole suite à plusieurs revers d' fortune .....

après cha a été la chimie, l' alchimie plutot, savez ché cosses bin compliquées , qu in auro du mau à expliquer mais qui ont fait que eune des files Furgerot ale a rincontré min grand père, et qui zont du juer au docteur pour qu' min père li i puisse naite rue Raymond Deruy cité 7 en 1911

y a fallu aussi que m' famile Leconte qu ale éto du coté d' Hazebrouck , ale vienne aussi travailler par ichi, et que l eune des files Leconte ,Odette, ale rinconte min père Léonce ................

que de hasards, mais ché cha la vie ........... mais arvenons al' résidence de M Elby, qu ale éto assez grante pour accueillir eune maternité après 1947

am' mason ché m' soeur cadette qui a eu l' privilége d' naite là bo, cha a coincidé au déménag'mint del famile

3 zinfants rue de la poste, enfin rue Chrétien, cha commincho à faire trop pitit, ché pour cha qui zont attéri rue Anatole France au coin d' la rue Leverrier

aprés pour in arvenir définitiv'mint al' maternité, y a eu d' zenquetes d' faites ......

des zenquetes sérieusses, et i parait, enfin comme i dissent al' télé , "in s autorisse à penser dans les milieux autorisés" que les plus biaux bébés qui sont nés ichi chéto , attindez j' va querre ché dates pasque ché du précis .....

alors in m a dit que chéto fin 1959 , et pi aussi début aout 1960

parait qu' chéto les plus bios, d'ailleurs pourquo que j' dis que chéto, ch'est cor les plus bios ...

Hein André , qu in est cor les plus bios ..............

cha fait djà un tchiot momint que ché pu eune maternité , ah ouais plus de 35 ans

après chéto un centre d' rééducation j y a été pour min g'nou
avant que Marie Claire ale précisse , ouais d'puis que j y su v'nu y a eune plaque commémoratiffe coulée in bronze, am' n éfigie et ché toudis fleuri....

j' sais fallo au moins cha qu ale so "coulée in bronze"........

par conte pour in arvénir al' fermeture del maternité, l' vraie raison qui l' ont freumé, ché qui zont pu trouvé d' bébés aussi bio qu'mi et André ...

alors ,d' desespoir, mais j' les comprints aussi, i zont freumé l'clinique ................

Ché normal minloute que les plus belles garnoules soient pas nées al maternité de Bruay puisqu'ales sont nées au catiau Mercier de Mazingarbe, maternité Notre Dame ...

J'rappelle l'histoire de ce très biau catiau qui est asteur devenu la mairie :

C'est Louis Mercier, directeur de la Compagnie des Mines de Béthune, qui fait bâtir cette somptueuse demeure entre 1895 et 1900, elle servit de maison pour l'administration jusqu'en 1946
Puis elle sera transformée en maternité de 1946 à 1970. Elle restera à l'abandon quelques années jusqu'en 1981 où la commune en fait l'acquisition et deviendra après restauration l'actuel Hôtel de Ville. Le grand parc qui l'entoure est ouvert au public

L'ancienne maternité de Mazingarbe

La mairie de Mazingarbe