monumint aux morts partie 1

savez j' fais beaucoup d' rindonnées dins min coin, y beaucoup de tchiots villaches que té traverse, y a 200 habitants tout mouillé comme diro l' aute

cha n impeche que su chaque place té trouffe un monumint aux morts d' la guerre 1418

ché là qu' té vo la saignée que cha a pu et' pour tout un pays, et que chacun a donner sa "contribution" ..............

j' va parler ichi dech' monumints aux morts d' Bruay

y éto situé avant devant le "cercle" , mais à croire qui "géno" , et in l a déplacé pas loin d' l hotel de ville ......

mi j in a des souv'nirs des classes d' primaire, du qu in devo aller assister à la cérémonie du 11 novempe avec l' école

nous in s' sinto un tchiot peu concernés quand meme , d ' abord pasque l' guerre 14 18 y avo cor pas mal d' anciens combattants
et in les voyo avec leu blazzer, des ringées d' médales, gampes arquées pour certains, à t' nir ché drapeaux avec des mains gantées en blanc

cha j' do vous dire que cha nous faijo plus rire nous ché tchiots dans l assistance


à chte meme cérémonie, yavo ché anciens cambattants d' la guerre 39 45 , ceux là i zavottent à peine 60 ans en regue générale

pour nous chéto pas des "anciens" combattants, chéto l époque du que la plupart d' ché ministes des gouvernemints francais, chéto des " compagnons d' la libération"

et que dire des anciens combattants d' Indochine et d' Algérie ...

mi j' do dire que, étant né en 1960, pour nous ché "anciens combattants " d algérie, excusez me, mais chéto m' pinsée à l époque , chéto pas des "vrais" ......

ché pas que d'em faute, mes gins, faut dire que l' Indochine tout comme l' Algérie in in parlo pas beaucoup , ou plutot in voulo pas trop en parler ..

blessure par cor freumée , qu in dijo, j' pinse aussi mais ché que m' n avis, que in les avo pas "glorifié" comme les zautes ,pasque au bout du bout, chéto pas des "victoires " ......

pourtant ché gins qui i sont allés, et ceux qui i sont morts i zont dro aussi à not' respect mais j' sais pas, ché comme chi fallo pas trop in parler ......

ché sur qu'ya aucune comparaison , intre chés deux grandes guerres 14/18, 39/45
des vraies boucheries
mais tous chés brafs qui sont morts d'su l'terrain sont morts pour définte le pays , le femme et le gosses , que courache qui leur a fallu pour traverser chés murs ed' balles , vif din l'ieau , din chés tros d'obus , etc jamais in devros oublier chés martyrs la