jeudi d'hiver dins ch' coron

dins l'temps ché l'jour que les tiots n'allotent pas à école.
les infants sont pressés de s' léver pour juer. l'neiche n'a pas fondue.
les bonhommes d' neiche vont pousser comme des champignons si ch'n'est pas déjà fait.

pendant ch'temps la l'mère ale in profite pour passer un tiot cop d' vasinque pas la peine d' laver ale grante ieau à cosse d'el neiche quand l' marmale ale va rintrer i vont tout arsalir et prépare l' repas.

midi sonnant ale sort pour crier après ses infants i faut s'dépêcher d' diner, ch' père i va bétot rinter d'el fosse i va falloir qui s'lafe, diner à sin tour, lire sin journal et faire la sieste. i n'ira pas dins sin gardin ché pas l'saison.

les infants s'dépêchent d'artourner juer dins l'rue 5h du soir va ete vite arrivé i va quemincher à faire noir et cha va ete l'heure d'faire ses devoirs et d'apprinte leurs leçons, souper et aller s'coucher d'main i faut artourner in classe.

voilà ché la fin d'em tiote saga sur la vie ordinaire d'un coron tel qu'ej l'ai vécu, dins les années 60 comme certainemint la plupart d'intre vous.

té vo Nounours, j'ai rien à rajouter à tin commentaire, ché tellemint bien dit... seulemint mi chéto in 1943 din les corons du villach' ed Bruay.... encore merci ed nous rappeler ché souvenirs

cha qui faut dire aussi, ché qu'à l'époque, début décembre on avo régulièrement del neige et cha téno jusque fin mars. du coup on faiso comme ché gins del montagne on éto aux sports d'hiver.
Em rue al déscendo comme eine crinquonne pas possible et on y fésot del luge quéqu'fo sur des couverque ed vielle bouilleuses. L'hiver 64-65, in janvier on a eu moins 17 pendant au moins 15 jours