ch' train
par nounours-94 le, 14/10/2011ché t'eune histoire qui armonte à presque 45 ans.
comme d'hab' asseyez dins vou fauteul mettez vos binocles et lisez.(faites attention quand meme qu'ej diner i n' brûle pas such' fu)
in habito rue Basly in haut i avo ché pont qui traverso l' rue ché la qu'in veyo passer ch'train qui s'in allot ale cokerie Carbolux. des fos i s'arrêto au miyeu d'ech' pont pour j'en sais quelle raison.
pour nous gamins chéto impressionnant et fascinant. l'grosse loco jaune et les wagons querqués d' carbon jusqu'à l'g..... in s' demindot commint i s'déquerquotent. j'em pose cor la question aujourd'hui.
les années ont passées, tout a été rasé.
un jour in armontant à Bruay j'ai fait l'quémin à pied in m'imaginant conduire ch'train.
l'histoire auro pus s'arrêter la.
mais un jour à Denain, in allant vire c'qui auro du ete un musée des quemins d'fer qui n'a jamais vu l' jour, parmi les viux wagons que des bénévoles étotent intrin d' restaurer, i avo exactemint l' meme loco
j'ai pas pus résister avec l'autorisation du gardien ej sus monté d'sus et j'ai fermé mes yux i m'imaginant ete l'chauffeur et faire l' trajet.
j'ai pas été bien loin mais cha a suffit à min bonheur.
ech vient d'vire ette n'histoire dech train din l'rue basly à Bruay, ch'éto ch'train qui vénot del fosse 5 et après ch'pont, y longeot el rue appelée sentier de divion.
J'tassure en 1968 y passo cor, j'cro que chéto pour emmener el matériel parce que on étot en train de démanteler el fosse 5.
J'me sus artrouver à boir un café à mon del vielle femme, Georgette, qui resto al 2è maison. Ech train y a passé, j'ai cru que j'allo l"archevoir sur m'tête.
En fait, el maison elle éto collée ach'rimblai et pi ch'train i passot presque such toit. Georgette, elle m'a dit de n'pas avoir peur qu'elle resto là ed pis 30 ans et que l'maison al avot tout dit tranner comme cha...
Mi aussi, j'avo vu passer, et s'arreter ch'train such pont, mais din l'maison d'Georgette chéto cor aut cosse et j'avos 20 ans mais j'ai eu un p'tit peu..beaucoup la trouille