éternels Charitables

hier soir faut dire un peu tard à 0h35 sur FR3 y avo un reportage sur les charitables

cha m'a fait queque cosse d'arvir tous ché coins d'eme jeunesse Béthune, Beuvry, Hesdigneul, La Buissière faut tirer sin capiau à tous ché gins là qui continuent à perpétrer el coutume qui date ed l'époque ed la peste.

IN plus cha rind bien des services à ché gins modestes qui interrent leurs proches
incore eine tradition de ch'te région qui démontre el mentalité de cheux qu'in appelle " chtis " et que des fos in raille.

D'aprés eux y ont du mal à trouver la relève din ché jones in ne peut que incourager ché gins ed ché communes la à participer.

j a eu l occasion , au décés d' min père, d' arvire ché charitapes, l' dernier coup que j' les avo vu chéto au décés d' em grand mère en 1988, ale avo 96 ans

ché particulier l' enter'mint par les charitapes, pasque d abord ché eux qui accueillent et prennent en main ch' cercueil à l' entrée du cimétiere

leu costume aussi i sembe dater d un aut'temps , d' abord ch' bicorne, pi ch' costume à queue d' pie, du que d' sus ya souvint eune paire d' médales

l' enter'mint par ché charitapes, ché particulier aussi, pasque in a l impression qui font l' enter'mint intre eux

ché à dire, que ché eux qui font eune prière au début del brève cérémonie, la famile ale est un peu à l écart, pi ché eux qui bénissent le corps un dernier coup, avant que cha so al' famile d' s avincher

aprés i sont dins leu coin, insempe, là i zétotent in rond, graves ....

j avo vu un coup dans eune émission , qui s' nototent intre eux à la fin d' la cérémonie

mi j a "apprécié" ch' momint là, ptete aussi pasqu in sait du qu' cha vient comme tradition

ché au momint d' la grante peste noire au miyeu du 14 ème siècle, que ch' t institution ale s est formée à Béthune

la peste noire, cha a été un momint terripe pour l'europe entiere, in peut difficil'mint aujourd hui imaginer les dégats qu ale a provoqué durant près de 2 ans

un tiers d' la population, eune personne sur trois ale in est morte

ché gins i tombotent comme des mouques, pi savez chéto eune maladie terripe, les chrétiens ont mis cha sul' dos des juifs qui soit disant impoisonotent ché puits

ché religieux contredisotent pas cha, i dijotent que si yavo eune telle maladie qui s éto abattue sur nouzautes ché qu in avo péché

ichi la peste ale tuo tout l' monte, là ale épargno tout un villache, là ale s' attaquo qu à eune moitié d' la population

ché seigneurs i s infermotent dins leu chateaux, l' pape qui éto en avignon ach' momint là, i éto installé , véridique, au miyeu d un cercle en feu, pour pas que ché "humeurs" d' la peste puissent l' toucher

chéto un momint du qui avo plus beaucoup d' ordre, ché brigands , hors la loi, malandrins et routiers, in ont profité pour piller l' reste des récoltes, detrousser voire tuer les survivants qui leur tombotent sous la main

in savo pu du aller, commint accepter que tous ché gins qui s étotent réfugié dans eune abbaye , sous la protection de Dieu soient tous morts d' la peste alors qu à coté des "mécréants" avotent été épargnés ?

l' vigin, un mononque , un cousin, eune tante, in évito d' les rincontrer, in savo pas si y zétotent pas porteur d' la peste .......

pour vous dire, in n a meme arrété la guerre d' cent ans ....durant sept ans, preuve que cha avo été plus terripe que n importe quel carnage d' l époque ...

dins ché conditions là, à Béthune, quand que la peste ale est arrivée, yavo pas grand monte pour interrer ché corps ché l' moins qu on puisse dire

ché à ch' momint là que des bourgeois s'sont réunis , et qui ont , au péril d' leu vie , récupéré et entérré ché cadavres

ché pour cha que queques sièques plus tard, ché charitapes i passent avant la famile dins l' cérémonie, vu que au momint d' la peste , chéto les seuls qui étotent présents lors des enter'mints

eune belle tradition qui j espere perdurera

cha m'a fait arpinser à einne histoire qu' min pére i racontot--- y'avot einne jone femme à Bethune qu'iavot eu peur d'un Charitable et comme al étot incinte , sin tiot y'étot né avec einne tiete à forme ed triangle comme leur capieau .. Va ti savoir si chétot vrai?