ch'tien Ficelle

in n a qui s inquiettotent et ché d'em faute aussi, quand que j a raconté "ce héros au sourire si doux", j a pas parlé du tchien Ficelle

nan, que nan, ch' tien là i dormo dins l' cour, nan , pire qu' cha, i avo sin fauteul à li, et mademoiselle ale avo ses zhabitutes, i fallo li armette eune couverture sur elle quand qu ale y éto couquée in boule

c' qui fait que ché gins qui rintrotent al' mason, yen a un qui a failli l' tuer, min père i li a dit d' s' assire, et l ' aute y a vu ch' fauteul i a voulu i assire sin gros tarlard, mais heureus'mint min père et m' mère i zont eu l' temps d' crier "attention à ch'tien !"

cha li a fait un coup au coeur , au moins y a pas transformé ch' grand ratier en teckel .........

j' me souviens alors que l' bonne biete ale a sorti s' tiete del couverture, avec s' n air d' bete battue, et ch' gars i a dit sérieus'mint à mes parints " ale est malate qu ale a s' couverture ?"

nan chéto del coquetterie

chte tchienne ale trainno dins l' rue d'pis quequ' temps et ché un coup m'mère ale a dit , va l' querre et ramen'la al' mason

à accroire qu in éto fait les uns pour elle, et elle pour nouzautes, ale a pu voulu arpartir, et s a jamais enfuie del mason meme l' porte del cour ouverte ......


ale avo pourtant des comportemints espéciaux

quand que m'mère ale s' prom'no avec , ouais ale avo dro as' prom'nate tous les jurs en laisse, (j'parle du tchien et pas dem' mère j' précisse) , bin si m'mère ale rincontro quéqu un et qu ale voulo discuter avec, chéto vite impossipe ...

pasque ch'tien , tant que m'mère ale avo pas arcommincher à marcher , ale aboyo à toute blinte

té voulo t assire sur un banc pour t arposer , té pouvo pas ch' tien i aboyo ...... qu à forche qu in s' intindo pu, qu in s arlevo et que tout d' suite chte carne ale dijo plus rin

pi j in a djà parlé, ale avo un ethylotest dins s' truffe, in savo quand que ch' facteur i passo, in savo quand qui avo s' pronne, véridique

si i marcho d' travers, cha arrivo pasque avec eune paire d' pastisse, l' sacoche ale peso plus ,cha l ' obligeo à marcher un peu comme un crape pour assurer s' n équilibe ........
mais si yéto dins zin état j allo dire normal, bin ch' tien i li dijo rin

al' mason in a jamais été imbété longtimps avec ché marchands d' tapis et ché marchantes d' wassinque ....est ce que chéto l' fait que ch' tapis i éto mis sur s' n épaule ou que ché marchantes ale za des grantes jupes , in tout cas cha li plaijo pas grinmint et ale aboyo jusqu à temps qui partent

et commint voulez vous vinte quéquosse si y a un tchien qui arrete te pas d'gueuler à vos zoreles, in pouvo crier d'sus, ché pas pour cha qu ale s arréto

aprés avec ché tchiots zinfants, comme beaucoup des tchiens qu in a tous eu, ale éto d eune patience ...... et ale allo s' camucher à forche des' faire tirer les zoreles

in l a eu un sacré paquet d' temps, à la fin i fallo l aider à monter dins sin fauteul

pi un matin ale a v'nu in bas d' l'escayer, ale a huigné, m' mère ale a déchindu, ale l a armis dins sin fauteul, et l' temps d' faire passer ch' café , ale éto parti arjointe l' paradis des tchiens .......

j' peux vous dire que chéto le 14 janvier 1986, zallez dire minloute t a eune sacrée mémoire, faut dire , coincidence morbide, ché l'jur qu in nous a appris l' décés de Daniel Balavoine lors d eune étape du paris dakar