mes années 60

mes années 60........

ché eune imache qui s a composé inter ch' que j a vécu, lu, vu et arsenti à ch' t époque là , aussi bin par l' éducation des parints, de l école aussi , par ché lectures et par l' biais d' la télévision par exempe

cha va et' un peu eune "caricature" mais pas si loin d' la vérité

dins les années 60, ch' l homme i porte cor assez souvint un capio sus' tiete, i va au traval pour rapporter d' l argint au foyer
in l' vo avec eune pipe ou eune cigarette dins s' bouque, cha fait viril

l' femme "moderne" ale est souvint arprésenté bin habillé as' mason, in pourro croire que ché eune tenue pour aller travailler à l extérieur, nan ah mon diu nan, l' femme ale est continte d' sin sort, sin mari i gane bien s' vie, elle ale peut s acater d' belles jupes longues et porter des talons hauts

ale est continte d' rester as' mason vu qu asteure grace au progrès, ché taches ménagères cha d' vient un plaiji

pi quand qui arriffe l' soir, ale est continte d' ouvrer l' porte à sin mari qui rinte fourbu mais contint du traval, fourbu par s' journée, contint d artrouver s' femme et ses zinfants qui l accueillent comme un héros

pour l' femme ale a pu accueillir s' n' homme plus facil'mint vu qu ale avo moins d' traval à faire

pu b'soin d' déchinte al' caffe ou d aller dans un recoin du qui a ch' garde manger , nan asteure in a un frigidaire

l' viele cuisine ale a été rimplachée par un ensempe moderne in formica, l' reffe d' toute ménagère

sans parler d' tous ché robots électriques qui transforment la préparation d un r'pas en un jeu tel'mint ché facile , in parle plus d' corvées, la cuisine ale devient presque un laboratoire

que dire d' l arrivée d' la machine à laver, sans parler d' l aspirateur qui , conduit d eune seule main (enfin pour ché garnoules , ché miu avec deux mains, in sait commint qu ale conduisent ......)

ch' l aspirateur conduit d eune seule main, qui permet à l' épousse modèle d' pouvoir "attraper ché poussieres" tout en portant s' plus belle rhabillure

dins la salle à minger, aussi y a du cang'mint, in va bintot vire apparaite la pièche qu in va appeler plus tard "le salon"

que fierté d avoir un salon ......... tout cha avec l apparition ou plutot la démocratisation du poste d' télé

au début i éto dans un coin d' la salle à manger , in avo poussé ché meupes ,ou disposés pas del meme façon , in raviso l' télé assis à tape

pi rapid'mint, ché l' progrès mes gins ché l' progrès, y a fallu immortaliser cha , acater eune banquette pi des fauteuls, sans compter ch' cendrier sur pied et d' la table basse qui sont v'nus compléter ch' décor

in a comminché aussi à canger ché champes à coucher, avec des meupes asteure en pin, ou en placache pin

c' qui va vite devenir "indispensape" ché l' "bureau pour l' tchiot" , ouais faut un bio bureau , comme cha i va bin étudier ......

alors que les générations avant, ale s installotent sul' tape principale pour faire ché devoirs , eune fo que l' mère ale a passé un coup d' serviette sul' tape pour l' essuyer ......

le transistor aussi cha a bin cangé les chosses, ché jones ont pu acouter l' radio sans devoir rester dins l' pieche principale, et meme top du top, pouvoir marcher dins la rue avec ch' transistor en bandouyère ..........

la télé, ch' transistor, faut pas oublié aussi l' carette , qu ale est d'venue bin plus courante dins ché foyers , cha a comminché as' démocratiser , cha d'veno aussi un moyen d' locomotion d' son timps

in a comminché pour certains, à printe des vacances in dehors du départemint

in a vu aussi arriver le "tout plastique" du seau ménager à la bouteille d' eau minérale, tout ou presque est passé au plastique ......

in tout cas cha a été des belles années chelles la.... inn'avot qui passottent din m'rue avec leur pétoire , cha passot et arpassot .. em mére al voulot pas qu'ej sorte , al m'disot toudis "ché pas la peine qui cachent aprés ti , tin futur mari y'é peutt ett à 2000 km d'ichi " al croyot pas si bien dire!
Y'a einne phrasse qu'in dijot toudis " ej m'in fous comme ed l'an 2000"