inter condoléances, eton'mint et espoir ....

que tite bizarre pour un sujet

ch' est simplemint les sentimints que j a eu taleure in allant au gardin
ché l' premier coup depuis bin longtimps que j'a fait un tour complet du gardin

j' su passé par ché condoléances, des éton'mints et d' l espoir pour ché plantes

condoléances, pasque in' a qu in est sur qu ale sont "tchiées" , et qu ale arpartiront pu ..

in a un tchiot peu d' remord, j auro du l' vire, j auro du l arroser ou j auro du l' pailler ...mais ché vrai aussi qu au coeur d' l hiver , quand qu on rinte l' soir du traval, i fait djà nuit pour aller raviser dans l' détal commint cha évolue...

pourquo dins ch' pot là cha a pas passé l hiver ,alors que dins ch' ti chi situé à queques centimetes, l' meme plante ale a resistée ?

cor heureux, in saura jamais la solution, preuffe qu' la nature ale est plus forte qu' nous ...

et cor quand que j' dis qu eune plante ale est "tchiée" j y laisse cor un momint d' répit, in sait jamais, not' camarate Vital i connait cha aussi, faut pas desespérer , y a d' zarbustes que té vo pas un seul bourgeon in route, et l' semaine aprés tout y est sorti .....

par ichi l' forsythia i comminche à fleurir tout comme l' genet , oh ché pas cor grand cosse mais in vo qu in va vers l' printemps ....... tout duch'mint

y a aussi des bonnes surprisses comme le néflier , j' l avo quitté au début d' l hiver et là j' l artrouffe , savez comme quand qu in arvo un tchiot des' famile un momint aprés et qui a bin cangé

in tout cas ch' néflier y a bin profité ....comme si i m' faijo un pied d'nez, y est presque aussi grand qu' mi asteure

pi y a aussi d' l espoir, j' pinse à ché astilbes qu in vo rin mais rin du tout dins ch' pot, in s'ro pret à tout dépoter , mais nan, faut attinte, faut observer, faut garder espoir, quo qu' cha n' est que ch' te bout d' verdure là qui arpousse ?
cha y est in sait que cha va arpartir

chaque année ché les memes joies, les memes espoirs , quequ'fos les memes peines quand qu in vo que certaines ont pas passé l hiver

mais faut cor et'patient, in peut cor avoir un bon coup d' gélées ou des froids polaires, in est que fin février ...

pi vu que ch' temps i a l air détraqué, faut s attinte à tout

in tout cas , en étant jardinier in apprint aussi à et' patient ....

bin bon courache , quand t'aras fini tin gardin té viendras faire el mien , ou miux comminche el semaine prochaine , 1 fos jusqu'a mi mars , pi apres 1 fos tous les jours