el rue de la République (publicité-buvard 11)

J'vas vous arparler de mes buvards publicitaires des années 50.
In vla sur la rue d'la République du qui avo autant d'commerces que d'masons din l'centre.
In avo déjà vu auparavant l'commerce dech père Boyaval, articles de sport;

Aujourd'hui, ché 2 buvards sur el boucherie Porès du qu'em mère al a toudis pris s'viande. Chéto l'enseigne Au Rosbeef Parisien.
J'ma demandé longtemps pourquoi ch'nom là vu que din Paris y a pas grammin d'élevage. Mais j'pinse qu'à l'époque Paris cha faizo rêver.

L'couple Porès i éto gentil... Chéto Rémi leur 1er garchon boucher. Un jour, plus d'Rémi??? Quéqu'temps après, on l'a artrouvé comme employé à mon Lossignol rue Alfred Leroy....

Quand les Porès i z ont pris leur retraite i z ont vindu l'boucherie. Leur garchon i avo pris une aute direction : il éto devenu vétérinaire à Houdain. Drôle de truc din ché familles : ché parints i gagnent leur vie avec des bêtes qu'on tue, et pi leur garchon i gagne esse vie in soignant ché bêtes.

Par contre, in dit achteur que ché gins i z acatent tous des plats préparés, mais à la lecture des textes sur ché 2 buvards j'm'aperçois que la mode de n'pas trop cuisiner al ne date pas d'aujourd'hui.

Superbe collection de buvards des magasins de Bruay en Artois.
Pour ce qui est de la boucherie Porès dans cette rue de la République, et pourquoi "Le rosbif Parisien", en effet M. Porès avait fait des stages de boucher à Paris, d'où cette appelation.
renseignements sus ce jour par le fils de M. Porès de Houdain, comme quoi grace à jpp et ses buvards on en apprend des nouvelles des anciens commerces de Bruay, hélas aujourd'hui disparus....

quand j'dis que les parents Porès i z étotent gentils, j'précise que leur garcchon vétérinaire i l'éto aussi.
Un jour j'lui ai téléphoné parce que je voulo avoir un renseignement. In ne s'connosso pas et i m'a répondu avec une gentillesse incroyape... du coup, j'ai i é parlé ed mes buvards et j'ai né envoyé un (que j'avos in double, el rose)