el rue de la République (publicité-buvard 12)

din l'rue de la république i avo plusieurs boucheries.

Inne avo une à l'angle del rue Lamendin (rue du Centre), j'narviens pu sur sin nom. al a du arrêter in peu avant 1970, et ché min camaratte Bracquart qui y a installé sin magain d'vêtements pour enfants à l'enseigne "frédérique" (Frédérique chéto esse fille)
Pi ensuite "frédérique" a été cédé et ché dev'nu Optique Leroy jusque y a quéques semaines et i a pu rien. Mme Leroy al est partie s'installer à Labuissière.

Après i avo cor une immense boucherie : al s'appelo Janiak et al éto in face del rue de Divion (partie du bas). El boucherie là chéto déjà l'avenir du gigantisme in route: pour preuve, quand al a arrêté ché Litrem qui s'y est installé avec sin commerce ed meupes.

J'vous mets un buvard de publicité Janiak. Très curieusement(erreur??), el numéro ché 65, rue de la République, alors que el boucherie Porès chéto n°30 sur el même trottoir (El numérotation linéaire al éto pas cor in vigueur).

Pour arvénir à ché meupes Litrem, cha tourno super bien, mais quand ech garchon i a succédé à sin père il a eu la très mauvaise idée d'aller s'installer à la Porte Nord encore balbutiante, et cha a tourné au vinaigre.
Du coup, il est arvénu se réinstaller rue de la République mais chéto trop tard, et il a du fermer. Ché depuis une verrue de plus en centre ville.

Din les projets municipaux, i s'ro question de racater ch'l'immeupe et de l'abattre. Ach t'indroit là in créro une nouvelle route qui déchindro directement à l'salle de sports Grossemy.
Ché vrai que comme nos routes elles sont in bon état in peux envisager d'in faire des nouvelles....

mi j avo connu un fils Litrem, i do avoir am' mote dans les 50 ans asteure ..... un peu comme mi, j el connaisso qu in s' voyo al' piscine grossemy
ché vrai que l' magasin Litrem i avo pas fiere allure après qui avo freumé, j' me souviens qui yavo le grand store d' la grante vitrine qui parto en lambeaux

dins ch' coin là aussi et pourtant in pourro dire ché juste à coté du centre ville, y n a eu des commerces là et qu asteure cha a pratiq'mint tout disparu

j' me souviens entr'aute d' not' magasin de sport Boyaval, avec ch' père Boyaval , beret vissé sus' tiete, marrone armontée bin au d' sus del boudinette , et ses chaussures de sport in croute d' daim

li yavo un gps dins s' tiete, pasque si yavo bin un magasin du qu' chéto un sacré bordel chéto bin ché li, in voyo pu ché meupes , si dins l' pieche aprés té devino l' haut d un buffet qui emergeo à peine d' piles d' boites d' godasses

cha d'dins qu on qu in rintro , meme si chéto pas bin rangé, in pouvo et' sur qu in éto pas volé en terme d' qualité

pi ya quéquosse qui éto infaillipe, chéto l' odeur d' cuir qui vous pronno al' gorche in rintrant

cuir des godasses pi des ballons d' foot bin sur

pasque l' rang'mint avec li, i metto eune paire en 39 par chi mais l' aut' paire en 38 ale éto à l aute bout del pieche, mais y vous trouvo cha tout d'suite

mi j avo ker y aller avec min père, pasqu i le connaisso bin, faut dire aussi que ch' père Boyaval i in connaisso du monte .......

plus loin yavo un aut' commerce mais qu in passo vite fait d' vant, faut dire que chéto moins rigolo chéto les pompes funépes Defernez , si j' me souvins bin

j'avos parlé dech père Boyaval le 16/03/2012 in mettant inne photo d'buvard, et j'avos expliqué un peu cha que minloute i nous dit plus in détails, et j'pinse que tous cheux qui ont connu ch'magasin i s'ront d'accord sur les souv'nirs évoqués.

par contre ech voisin de ch'père Boyo, M.Defernez j'cros que chéto parint avec li (sin bio frère?) et i vit incore j'le vos de temps en temps sur el trottoir, mais i n'a pu une grande forme.
J'cros aussi qu'il étot "pompes funèbres" mais aussi matelassier.

Pour el garchon Litrem cha do ette cha, i do avoir une bonne cinquantaine d'années, et y a un an ou deux, i vivo cor din s'maison à Ruitz.
Ché dommage cha qui est arrivé, mais en fait il avo deviné que la porte Nord al auro pris de l'extension mais il a démarré trop tôt et il a surtout pas fait assez de publicité pour faire connaitre sin déplacement