l'armée et le grand départ (3)

après ch'te traversée plus qu'houleuse , in a fini par débarquer à Oran , arrivé d'su ch'quai in avot cor l'impression d'ête su batieau tellemint cha barloquot cor din tous les sens , comme montés d'su d's'arssorts , et la directemint chés camions avec trois fusils "M A S 36" par camion, mi personellemint j'n'avos jamais vu

arrivé à Slissen, l'première cosse qu'in nous a fait vir ché un bas flanc avec 17 corps ed' fellaghas tués au cours ed' l'opération précédente , pi apres pour nous mette din ch'bain corvée d'pluche
que chétot triste tout l'tour , rin à perte ed' vue à part un douar

et pi el lendemain , armise in état d'chés lines téléphoniques, arrachées par el tempête, et tout cha bin sur avec escorte bin armée "halft track"

si j'ai fait mette chés photos , ché pas par fierté bin au contraire , mais pour prouver qu'chétot bin la guerre , et surtout pour réponte à certaines personnes , qui m'ont dit au moins in dizaine ed' fos
ti aussi ta été au club med
ti aussi ta été in vacances à nous frais
ti aussi ta E T C , E T C

mi quand ess' su parti in Algérie, in a imbarqué à Marseille aussi sur el gros batiau "Le Pasteur", un monstre..
Arrivé à Oran, el lendemain in nous a armis intindez vous bien, un US 17 avec 3 balles ed 7.62, avec cha in éto servi, mi qui avo fait mes classes avec un USM1, cha chéto in flinq'..

nous vla parti avec el train qui ess' traino, jusqu'à TLEMCEN... après din ché camions avec nous barda à Oued Chouly, là non plus chéto pas la joie.. not' chamb' à coucher en' grand' tente, not sale à manger déhors avec et' assiette sur tes g'noux, par la suite in a fait des bancs avec el moyen du bord, ainsi que des grandes tapes, avec del caniss' aut'ssu, pour nous mett' à l'abri du solel..

les jours après in a ardonné no' US17 et ses 3 balles, et in nous a armis un MAT 49, avec un chargeur, in éto plus à l'aise.. après l’artillerie al est ev'nu s'installée à côté..

Les sanitaires chéto des feuillus, et les lavabos chéto din l'oued à 300m...

el retour j'el l'ai fait avec le Ville d'Alger, alors là mes gins, in éto au fond del cal', avec les roulis ché gamelles cha allo din tous les coins, cha vomisso din tous les coins, et j'éto pas exempt, quand jel sinto arrivé j'armonto vite fait tous ché ponts, pour être à l'air..

tout cha, cha fait 56 ans, et y faut vraimint que quiquin qui in parle, parceque cha que j'ai vécu labo, j'en' ai jamais parlé.

Cha m'a fait arpinser à min grand frére Daniel (j'ai appris ess mort l'semaine passée), li aussi y'a été 3 ans in Algérie dins les Commandos Marines, ed 1958 à 1961 , quand y'arvénot in permission j'étos continte quand i venot m'arquer à l'école , y'étot bieau et y'a fait des ravaches à Marles , habillé in marin

quand y'étot in Algérie em mére al y'invoyot souvint des colis (du pain d'quien , einne tiote boutelle d'alcol ed menthe) et am mére il y avot rapporté un foulard avec l'Algérie dessiné d'ssus.

Un jour , cha été les grandes maneuffs al maison , y'étot à peine arvénu in perm, y'a un télégramme qui est arrivé i devot rintrer tout de suite in Algérie, em mére al brayot , min pére y'étot blanc comme un mort, in a su après que chétot pasque ech'grand Charles y'allot rintt visitt à ché soldats et ché Commandos Marines i d'vottent marcher d'vint li...

Y'a un truc qui m'fesot rire ché quand iss mettot à crou crou et qui disot "Toi fellaga? Non , moi faire caca.."

Repose in paix min tiot frère , je t'aime.