souvenirs (suite 1)

j'ai cor busillé , et j'ai arpinsé
ach' laitier, qui passot tous les jours d'in ch'coron, yavot un vélo in viux bicrate qu'yavot suremint artapé et armis ach'gout du jour, (du coup j'arpinse a min premier vélo)

et donc à sin vélo yavot toudis in tiote armorque fait avec 2 roues d'vélo et tout du matériel ed' récupération , et n'din y pouvot bin mette 4 bidons ed' 10 ou 20 lites "j'sais pu" plein d'lait, j'sais pu si y buquot al porte ou si yavot in sonnette à sin vélo

mais j'el vos cor bin servir chés gins avec in espèce ed' louche à manche vertical et y versot cha d'in ch'pot au lait d'chés gins et sans in mette in seule goutte a coté , chétot précieux et ker

et ch'principal pour mi chétot ch'lait battu, et la chétot pu al pinte qui vindot cha mais au bidon , tous les quinze jours, pi tête tous les semaines em'mère al in prenot un bidon
l'été in l'buvot tout cru , mais aussi bin sur cuit , in a quasimint été élevé avec ch'te lait battu, comme chés pourchieaux à qui chés sinciers y leur donnotent, alors qu'chétot si bon

et cor un souvenir ché que din ch'lait battu in veillot des gros morcieaux d'burre, ach'teur din chés boites qu'in acate ché quasimint del lieau, à part qu'cha a cor el couleur d'ech'lait

et ché pas pour cha qu'in a pas été bin élevé , pas cras mais costauds avec des musques ed'boxeur , mais j'pinse d'in seul coup chétot d'ja el comminchemint du début d'l'élevache in batterie, mais chétot tout du naturel, du bon, qui nous préparot à note dur et bieau métier d'MINEUR

Que d' souvenirs , el lait d'abord, mi j'habitos dins un tiot villache et in allot quer el lait à l'ferme à côté del mason , avec c'qu'in appelot eune "gamelle" , eune gamelle à lait, un pot à lait qui fait un lite et que j'a core d'ailleurs

J'a même des souvenirs que comme gramin d' gosses el jeu chétot ed faire tourner el gamelle quand ale étot pleine ... sans in renverser, in général y avot pas d' problème
A ch't'époque là j'avos même appris à traire amon d'mes voisins cinsiers

Et el lait battu, alors là jé n'a déjà parlé plusieurs fos, d'ailleurs Maurice i sait quoi ..... , mais cha, cru ou cuit, j'adore !!! et à min grand désespoir j'in treuve pas dins min coin, pourtant y a gramin d' fromageries mais el lait battu i dot servir ed nourriture aux pourchiaux comme dit Maurice

El lait in général j'a ker cha et j'in fait eune importante consommation, bien sur même du lait intier cha n'a plus rien à vire avec el lait d'ferme qu'in a connu

Quoique in a queque fos des surprises et récemmint j'a découvert eune tiote superette près d'em mason et qui vind du lait frais qui vient directemint d'eune ferme du coin et là j'a quand même réussi à artreuver el plaisir ed boire du lait comme ch'ti d'antan , et d'savourer eune bonne crême bien épaisse... après l'avoir fait bouillir

En lien j'vous mets les photos que j'avos déjà mises sur el site, ed min pot à lait, de m' pinte et d'min bidon à lait

Pot à lait, pinte et bidon

ché souvenirs dech laitier cha fait ar sortir des trucs ed nous tête.
Tout l'monde i va arpinser à Marcel , esse mobylette avec esse remorque et tout sin bardat qui nous vindo de porte à porte.

Mi j'arpinse aussi à ché diminches matin quand ech marchand d'moules i passo avec esse carette tiré par un gros tien. Chéto tout un protocole... passe que chéto in même temps, l'attente de l'arrivée d'ché pigeons voyageurs, tout l'monde guetto in grattant ché moules din l'cour quand i faizo bio.

Evidemment on n'attindo pas el date del fête des voisins pour s'inviter, passe que cha s'passo in équipe de quartier avec des gratteux d'moules et des guetteux d'coulons.... Chéto ducasse chaque semaine de concours....
Autant que j'min rappelle i a jamais personne qui a été malade avec ché ché moules, i faut dire que les conditions d'hygiène al étotent totalement réunies, transport, conservation etc...

· Maurice il in raconte des histoires du temps passés , mi je me souviens du cache à loque qui ramasso ché habits foutus et ché pio de lapins y crio d’un ché corons "po ed lapins po"
sin vélo yéto plein ed pio y pouvo minme plus monter edssus, y donno 20 cts ou un sifflo un bo ou un pétard à faire claquer, y fallo y donner ine belle pio bourré avec de la paille et bien sec ache momint la tous ché mineurs y élevotent des lapins , pour arrondir ché fin ed mois , chéto el bon temps malgré ché momints difficiles hein ché vrai Maurice t’as du connaître cha

Et chétte cuisiniére à carbon aves éche café qui eto toudis caud au bout d’elle plaque et elle boulloire, in avo toudis dé lio kote et ine tarte d’un el’ four ou des pétotes , et pour faire un bouillon cha cuiso tout douchemin toute la matinée (ce que je la regrette ma Franco-Belge surtout quand il y a une panne de courant)
Chez mes Grands Parents ma Grand Mére elle appelait mon Mon Grand Pére éche tichonneur, chéto sin plaisir avec sin tison dins elle geullette du pot pour redonner un peu d’air pour l’activer et du chauffage

ouais qu'cha armonte tous chés viux souvenirs Daniel , et comme in dit toudis cha rappelle ech'bon temps , pour ech'cache à loques , à Lens din chés corons ya comminché à vélo , et pi un momint apres ya du faire fortune , passe qui passot avec un bidet et in tiote cariole et tout in criant pieau d'lapin pieau , yallonot s'clochette et des qu'in l'intindot in courot et in l'suivot pour récupérer ch'crotin

ché bin cha marie claire , ech'pot au lait et pi l'pinte , j'avos oublié qu'cha s'appellot comme cha , ch'bidon cha dot ête 10 lites , et j'pinse pas qui n'd'avot ed' 20 lites comme ech'l'ai dit pas d'seur