Les jardinsla venue du fantome
par minloute le, 13/09/2012ch'est ch' matin que m'file ale raconto eune histoire qui arsemblo vraimint à eune histoire qu in s'raconto souvint dans la cour d' l école, cor miu, quand qu in déchindo en ville so pour aller al' piscine, so pour aller au cinéma avec l école
in connaisso pas trente six histoires , l' art d' chacun chéto d' partir d' l histoire connu, d' broder tout autour , pour interesser les zautes, et qu in puisse li dire à la fin, "té la bin racontée"
j' va vous la raconter non pas avec des détals, mais plutot pour vous zin donner la trame
chéto toudis quéqu un qui s artrouvo , pour des raisons différentes, au soir, dans un viel hotel , ou un chateau , in tout cas que che sot l un ou l aute, quand que ch' l homme i arrivo al' reception in li dijo toudis " y reste pu qu eune champe , ché au grenier, mais y a un fantome qui passe la nuit"
alors ch' l homme i prenno quand meme l' champe , i dijo qui avo l' sommel profond
quo qui ch' passo ?
bin i éto quand meme réveillé quand que ch' fantome i arrivo dans la champe , quand qui faijo grand nuit
là chéto à chti qui raconto l histoire d' bin décrire ch' fantome, et d' printe eune vo qui veno d outre tombe et d' dire " mi j' su l' fantome de minuit"
alors l homme i ravisse s' montre, i fout deux coups d' poings dins ché zeules au fantome qui s artrouffe avec des zeules au beurre noir
pi i li dit " té ptete ch' fantome d' minuit, mais y est moins chinq, ché pas l heure"
