l'aérodrome ed Bruay-Labuissière Hesdigneul

Bébert i nous a parlé un jour d' l'aérodrome d'Hesdigneul... et i a pas voulu nous dire que l'café d' l'aérodrome chéto un B...Bar montant.
Chéto un secret pour personne comme pour ché fricadelles... Aussi pour s'invoyer in l'air i suffit juste ed raviser el photo que j'vous ai joins.

En fait l'aérodrome il éto à ch'val sur Labuissière et Hesdigneul et in diso facilement sur les carte postales "l'aéroport de Béthune-Bruay". Achteur ché l'magasin Conforama.

Hesdigneul a conservé la mémoire : il existe depuis toujours el rue de l'aviation.
Peu d'gins le savent passeque depuis fort longtemps el rue al est en sens unique. On y accède in vénant d'Béthune, sur la RN 41, un peu après L'Relais d'la diligence, sur la droite.
El rue al est fort étroite, al est en demi-cercle et al arjoint à l'aute bout à nouveau la RN 41 juste avant le parking de Conforama.

Ch'bar un peu louche, il risquo fort peu d'ette inquiété. i faut s'rappeler que jusqu'in 1972 (Construction de Cora) entre el sortie de Labuissière (Vélodrome) et l'intrée d'Hesdigneul i avo que quelques maisons in bas del côte, ech bar in haut, et pi el maison de Dourlens (Cars bleus) in face. Chéto un peu l'désert.
Ché autobus faisotent un arrêt facultatif in bas del côte, à condition de faire signe à ch'chauffeur

ech café de l'aviation y m'rappelle des souvenirs, j'ai pas peur ed dire que ji su allé plusieurs fo, que j'metto fait des copines et chéto vraimin des bonnes copines pas seulemin pour ech qu'in pinsse

ech café y éto intouré ed terrils plats in face, aprés y a eu el casse Dourlens pis in déchindo el cote d'Hesdigneul que j'apprécio quand j'arvéno ed travailler à vélo ed Béthune el matin chéto pas pareil fallo el monter.
Sur ech l'aérodrome y avo aussi un café.

JPP ech café qu'ta parle chéto chti in bas d'el cote, asteur ché in n'pizzéria?
Inch temps là chéto el relais d'l'aviation.
Passe que y'avot aussi un bar in haut d'el cote sur el route nationale à coté d'ech terrain d'aviation

ech café qu'in parle avec jpp il éto in haut del cote d'Hesdigneul, in bas à cht'époque la y avo pas ed café chéto eine grande maison à étage

J'confirme bien que sur l'aérodrome y'avot un bar aussi. M'nonque et m'tante ont habité là après l'fermeture.
Ch'l'hangard à z'avions chéto un entrepot ed confiserie qui s'applot DBC (Distribution Biscuiterie Confonserie).
L'maison a l'avot in drole de genre. In montot des escaliers pis in arrivot d'in z'in n'grande salle (l'ancien café) in contre bas. A coté y'avot ché bureaux d'lentreprisse.
Au dessus cha faijot comme in n'terrasse avec in n'espèce ed pétite tour ed controle qui servot pour el surveillance ed ché avions au décollache et atterrissache.

Mi j'avos querre y aller, chéto plein ed mystère. Après cha été ar'vindu et ché Confo qu'y est vénu là. Néanmoins ech magasin y'est implanté din l'ancien garache à z'avions.
Pour ête un peu plus pointu, à un certain momint, y'avot cor ché boules sur chez lignes haute tension din ché camps à Hesdigneul in direction Béthune.
Ché boules servotent justemint pour ches avions pour les éviter au décollache et atterrissache.

Mi j'ai bien connu ech' t'aérodrome quand y fonctionno cor, min père y nous y emmeno, y volo cor des coucou. chéto bieau.
pi par la suite, d'un seul coup in a vu arriver en' société qu'al a installé des engins, des convoyeurs, y sont vénu laver toutes les terres du dit terril, ""enfin lavé si on veut"", d'Hesdigneul...
et ché devenu une zone industrielle, Darty et compagnie, mais el coin la y a été métamorphosé ed pi... mi ej passe souvint dinl' rue ed l'aviation, car ech' conno quiquin qui reste dinl' cour Lancelle à droite, et comme ché un sens unique ess' su obligé d'arpasser din tout el rue ed l'aviation

ché boules qu'on veyo sur les fils à haute tension din ché camps entre Hesdigneul et Béthune, j'ai toudis cru quand j'étos plus jone que chéto pour augmenter el puissance de stockage et de transport dech courant électrique sur les lignes à haute tension.
J'viens cor d'apprinte quette cosse sur el site. Et j'rigole tout seul, passe que j' me dis que ché pilotes d'avion ....i z avotent les boules de passer au d'ssus de ché fils électriques.