Les jardinscratères in artois
par minloute le, 11/10/2012nan pouvez printe vos cartes et raviser dins tous les sens, y a pas d' traces d' volcans par chi
faut dire que par ch'passé yavo la mer, pi aussi à un aut' momint eune très grante foret, qu' ale a donné par la suite , bin d'sieques aprés ché veines d' carbon
nan quand que j' parle d' cratères, ché rapport à ché cratères d' mines qui y a eu durant la premiere guerre mondiale
ch' terrain du coté d' vimy y a été labouré, artourné, défoncé , broyé par ché bombardemints d' tous calibres, sans oublier ché travaux d' sape et les fameuses mines qu in faijo exploser sous les lignes ennemies et qu in compto profiter d' l effet d' surprisse pour attaquer ach' momint là dans les tranchées adverses désorientées ........
au pied d' vimy, pas si loin mais bin moins visités, y a 2 cimétieres particuyers
dans 2 cratères formés par des explosions d' mine, ché Canadiens ont interré à l interieur , environ eune centaine d' soldats au total
ch est le zivy crater et le lichfield crater, ché sur la commune de Thélus
personel'mint chti qui m a ému l' plus in l' visitant chéto le lichfield crater, impressionné par l' grandeur du trou, pi surpris aussi par l' endrot, j' m attindo pas à trouver cha
d' habitute dins ché cimetieres britanniques in trouffe des tompes bin alignées , symétriqu'mint, autant là ché plutot eune nécropole avec eune plaque commémorative avec ché noms des soldats interrés ichi
si vous passez par Thélus en direction d' neuville saint vaast , vous s'rez touchés j espère aussi par ché 2 monumints particuyiers
