Bruay a-t-il changé, El rue de Divion

El rue de Divion on n'a déjà parlé plusieurs coups mais j'vous mets 2 photos du même endroit in 1989 et in 2012.

Ché juste à côté du bâtiment de La Vie Active.

Sur el photo l qui étot cor comme cha i a 23 ans, el maison du milieu avec ché escaliers et un perron, el camaratte ed min père il y restot avec esse famille juste qu'en 1955.
Chéto Raymond Démaret et i travaillot à l'fosse 4.
Mais il a déménagé pour partir à Sin le Noble passe que du côté de Douai il a pu faire embaucher ses 4 garchons à l'fosse.

Déjà à l'époque, sans rien dire in préparot déjà l'arrêt des mines puisque à Bruay in imbauchot pu qu'au compte goutte.

mi j a pas l' souvenir qui yavo des escayiers rue de divion, j' dis cha j' mets pas du tout in doute la photo

mi j' connaisso quéqu un qui habito dins ché premieres masons coté rue alfred leroy, mi aussi j'radote, mais yavo tel'mint d' pente dins s' mason à l étage , que té voyo vraimint que cha balo
té metto eune bile au sol, ale dévalo sec toute l' pieche

El rue de Divion, Minloute i en a déjà parlé : al 1è maison tout in haut chéto el famille Dourlens. Mi j'ai toudis été in classe avec Michel, du CP al l'1ère.
Après, sin plus jeune frère j'cros qui s'appelo Philippe, peut ette el camaratte de Minloute.

In deschindant à l'5è maison chéto emme matante (soeur de min père) et min mon onque Louvet, et pi tout l'ribambelle de mes cousins et cousines. Ché Louvet i restotent juste in face del boulangerie polonaise dont el bâtiment i tient cor debout.
Après chéto el marcheur Henri Pruvost.
Après i avo une espèce de renfoncement sans maison, et juste après el famille Martel.

Pi toudis in continuant vers le bas, in arrivo à ché 3 maisons du qui avo des perrons en façade. El 1ère chéto une famille d'origine polonaise. El 2è, celle du milieu, les amis de mes parents, el famille DEMAREST. Eme mère al éto marraine de leur fille Jeanine.
Et pi el 3è maison à perron chéto el famille Mesmacque (???).

Ché trois maisons à perron al se trouvotent juste in face del ruelle actuelle qui longe le bâtiment du lycée Carnot et qui arrive din l'rue Alfred leroy près du laboratoire.

A l'époque el ruelle n'existot pas mais i avo un chemin de 3 ou 4 mèttes de large qui finisso en impasse. Cha longeo un très grand bâtiment qui servo d'entrepôt à M. Marlard el commerçant de fruits et légumes qui éto près de ché Plomion din l'rue Alfred Leroy.

J'in profite pour remercier Marie-Claire en avance passe que j'ai quéque photos du bas del rue de Divion avant qu'on l'abatte...
Marie-Claire va encore avoir du boulot din qu'éques jours;; mais je l'laisse respirer pour qu'elle puisse aller étrenner ses amis.

Mi non pus je m'rappelle pas d'avoir vu ches escaliers là dins l'rue ed Divion, pourtant min frère i a resté à ch'coin de l'rue ed Divion et de l'rue d'Ourton, in v'nant del rue Al. Leroy et pus tard i a resté dins l'rue d'Ourton à un aut' coin qui déchindot rue d'la Comté.

L'grand mère de m'femme alles restot dins l'rue ed Dieval, donc j'connaichos bien ch'coin là.
Ed quand alle date ch'te première photo? mi j'parle ed cha vers ches années 55-60.