eune ''tartine''

y a eu un temps mes gins, j' m adresse à ché plus jeunes, qu' eune "tartine" chéto bin aut' cosse qu eune tranche d' pain ..


ch' éto du temps du qui yavo pas d' gatiaux individuels, d' portions , nan , pour faire sin gouter, té prenno deux tranches d' pain, et d' dins té metto souvint des morciaux d' tablettes d' chocolat

ché plus gourmands i rajoutotent in plus du bure ...

mais y en avo, et j' me souviens que ch' maite y avo ralé un coup, i n a pour sin gouter à l école, s' mère ale i faijo souvint des tartines au camembert
mais à croire que ch' camembert i courro après l' boite, pour que cha fasse réagir ch' l instituteu.....

mi j avo l habitute d' minger mes tartines avec du chocolat qu in avo acaté al' Coop rue Anatole France ...

faut dire aussi j avo oublié del' préciser, ché que ché tartines chéto nin du "pain coupé" ou " boulot coupé" comme in dijo aprés,......

nan, chéto cor l' temps du que ch' pain , j' sais pu l' nompe d' liffe qui faijo, mais j' me souviens que min père i le coinço sous sin bras pour couper des tranches pas forchémint bin fines ...

j' me souviens aussi qu' min père i faijo toudis l' signe d' croix such' pain avant del découper

grosses tranches d' pain, qui fallo bin ouvrir s' gamelle et avoir grand appétit ..........

et que dire quand que m' soeur quand qu ale arveno al' mason , as' faijo un sandwich avec du saucisson avec des cornichons d' dins, alors là mi j ouvro m' gamelle, et j y avo dro aussi...

aprés y a eu ch' pain coupé, avec des tranches que té croro que cha a été coupé avec des lames gilette g2......que té vo à travers l' "tartine"

j a mis "tartine" entre parenthesse, pasque là ché vraimint pas épais

Y'avot aussi al majon l'tartine avec du saindou trimpé din du café. Et pi el flamiche qu'in garnichot ed beurre avec d'el castonade et pi qu'un metto din ch'four d'el cuisinière.
Des flamiches à Bruay ? chez Castel d'in l'cote du 4. Cha in in minjro sur el tiête d'un pouilleux comme in dit.

que de souvenirs cha rappelle ché tartines avec ech pain de trois livres pour min quatre heures, quand j'éto al maison in m'faijo eune tartine avec soit du paté ou du saindoux et j'allo din ch'gardin ech coupo des verts d'échalotte que j'metto entre ché deux tartines. Eh oui faut dire que chéto la guerre.

nous in appellot cha un gros pain , cor ach'teur d'ailleurs , mais avant chetot l'plus souvint " un pain ed' 3 lifs ,
et aller querre ech'pain chétot in corvée "qu'j'avos ker" tout simplemint passe que bin souvint ch'pain yétot cor tout caud , et la j'em'régalos à minger bin sur ech'crouton , avant d'm'attaquer al mie, quo qu'chétot bon vingt diouss
bin sur ch'prénot au moins in ingueulate par em'mère et bin sur el sempiternelle "l'prochaine fos ché in danse qu'té prindras"
comme yavot pas long 200 mètes au max , j'avos quand même el temps din minger un tiot peu

bind' ed 'tchi bind'ed'la qu'alle aurot dit m'mémére virginie . bin ouais: du saindoux, des cornichons, etc etc.....
d'accord, ch'étot bon , mais mes gins ,avec 2 chucs blancs ché in régal.