té verra té cang'ra

allez tend t' n assiette minloute ...

mi jel tindo mais les bras arpliés, cha allo pas assez loin ...
as'deminder si chéto volontaire....

allez , j a va pas t attinte 107 ans... qu ale dijo m' mère en tappant du pied

là chéto l' signe qu in passo à la vitesse supérieure, que chéto l' dernier coup d' semonce avant qu' min père i comminche à s in meler ....

alors j' tindo m' n assiette, avec l' regard de saint dominique savio quand qui raviso vers le ciel, ché espécialistes religieux i zont compris que j éto près d' la pamoison..........

après j' ram'no m ' n' assiette vers mi avec un air d' dégout , mais là m'mère ale faijo l' tour del tape, as' metto derriere mi , et al' coupo ch' lard pour que j'el minche

ouais i s agit du lard que m' mère ale faijo au moins eune fo tous les 15 jurs

lard frod, avec des frittes bin cautes , autant ché frittes là yavo pas d' probleme autant ch' lard ...beruk...

faut dire aussi qui a des coups chéto pas ragoutant, d'abord quand qu ale le faijo cuire, j avo pas ker l odeur, pi d'vire aprés l io qu ale éto comme blanque , in plus min frère i m' dijo que l' mousse blanque qu in voyo, chéto li qui avo craché d' dins ...

voyez , tout i éto fait pour que j a d' l appétit ...

sans compter aprés eune fo frod et qu in artiro l' peau, l' couane plutot, cha avo la texture d'plastique, ou alors cor pire, y a des coups yavo cor des bouts d' poils d' cochon qui étotent d' sus .......

pi autant l' gras j avo ker ah mais ch est pas c' qui faut minger in premier minloute, mi chéto l' viante par elle meme, pasque j' l a trouvo trop salée, pi yavo toudis des morciaux qui s' coinchottent inter ché dints ....

min père i dijo, té verra , té cangera ...

bin avec l' fil du temps ch est vrai,j a cangé, et ch 'est eune viante que j avo ker

j' dis que j avo ker, nan pas que j' fais régime, cha s'verro ... mais que depuis que j' su ichi dins l' sud ouest, bin acoutez aussi bizarre que cha soit, in trouffe pas facil'mint par ichi des gros morciaux d' lard

comme j' dis ichi ché tout coupé fin, ichi i minche le lard, mais j' l a pas ker comme cha, en très fines tranches i zappellent cha d' la ventreche , ch'est bon mais faut vraimint faire attintion quand que tel' fait cuire sinan t as vite fait d avoir des s'melles d'godasse dins t n' assiette

avec le temps j a ker eu al' minger, avec del mayonnaisse, ou du picalili, savez l' moutarte avec ché morciaux d' cornichon et d' choux fleur d' dins...

meme qu après min père i ralo pasque j voulo in arprinte eune troisieme fos, ah j y a dis té m avo prévenu que j auro ker in minger un jur ...

pour clore such' chapite là et savez , vous vous in doutez que j' su un peu "moqueux d' gins" , un coup in artirant mi meme l' couanne, j' l avo mis au coin d' min menton, et such' bout là d' couanne, yavo cor tro quate poils d' sus

min père i m ingueule du ginre " in jue pas avec cha" et mi j' y a fait eune imitation d' el voix à la Tante Georgette, tout in collant l' bout d'couanne poilu sur min menton, bin meme physiqu'mint j' devo vraimint i arsembler, pasque mes parints i sont rintrés dins zin fou rire mémorape ...

souvenirs souvenirs