ch' garache Plateroo
par minloute le, 02/06/2013ch' garache Plateroo y éto situé au coin des quat' chemins à labuissiere du qui a asteure un "éléphant bleu"
j avo ker y passer d' vant pasqu i arsemblo à mon premier garache que j avo comme juet : ch' garache propremint dit, pi d' vant un auvent pour protéger ché pompes à essence
après bin sur et j' m in souviens cor bin , j a eu par ma matante un garache à étache, s il vous plait, que té pouvo faire garer ché carettes such' toit du garache et qu ale pouvo ardéchinte in bas par eune rampe d' couleur jaune ...
sans compter qui yavo un ascenseur que té pouvo ayonner pour faire monter ché carettes eune par eune au premier étache ..
mais arvénons à ch' garache Plateroo .....
i vindo d' l essence de marque Fina, jel sait j' voulo toudis qu' min père i fasse ch' plein là pasque in y faijant ch' plein t avo des points et avec ch' nompe de points té pouvo acater des reproductions d' batiaux anciens, mais cor plus interessant , des ballons , des bouées et l' sommome in bio batio in plastique tout cha de marque bin sur Fina ..
aux couleurs rouge, blanque et bleu ...
d ailleurs sul' coté du batimint , perpendiculaire al' rue , y avo un grand potiau et in hauteur l' fameux écussion Fina , visipe d' chaque coté
quand que t y yallo pour faire l' plein, ch est pas ti qui l' faijo, chéto quéqu un qui veno tel' faire ....
yavo pas qu' cha qui m intrigo, chéto surtout l' pompe qui servo pour ché mobylettes..
pasque ch' gars i resto souvint sul' mobylette pour s' faire servir , et autant ché pompes pour ché carettes chéto j allo dire" automatique" ...
j a l' souvenir que ché pompes du qui yavo du mélanche, l' femme ale devo ayonner un levier d avant en arriere pour faire ch' plein du réservoir
ch' est cha qui m' simblo bizarre , ch' l homme i resto so sus' mobylette ou tout juste à coté, et ché l' femme du garache qui faijo l' plein tout en actionnant manuel'mint ch' levier
fallo aussi toudis faire attention du qu in metto les pieds, pasque ch'est vrai que quand qu in passo par là et qui pleuvo in passo sous le auvent et yavo toudis un peu d huile et d essence au sol
derriere, in voyo par eune grante porte ouverte, l intérieur du garache
carettes rangées à l interieur , quequ' zunes dans un triste état, un fouillis d' ferale au fond, pi surtout l' bruit quequ' fo d' martiaux ou d' grosses visseuses, que je me dijo, mi tout tchiot , que chéto bin dangereux d' s aventurer à l intérieur du garache ...
et rue René Wallard, du qui a ch' garache Richir, j' cro bin qui yavo dans l' temps eune station service aussi, j el situe dins ch' coin là, mais par conte j' su sur d' la marque d' essence qui vindotent , chéto Antar ...
ouais pasque , j' me souviens qu un coup, min frère y avo fait ch' plein là bo et i m avo donné un porte clé "antar" du que d'sus chéto un gaulois avec des grosses moustaches qui yavo d' sur
Avant ch'garachh' Platteroo, tenu par ch'Père i étot in face (vire l'photo) après i a déménagé et ch'est sin garchon qui a r'pris derrière li, in prénot d'l'essence là.
Quant à ch'porte clé Antar j'in ai cor un, i faut que j'l'art'rouff'
J'ravisse el photo ed Loumarcel mais mi j'me rappelle d'ech garache plateroo sur el coin du qu'ya l'éléphant bleu.
Y'a cor un morcio ed mur avec chez briques in verre qui délimito avec el propriété d'à coté. Mais de c'que dit Loumarcel j'ai un trou noir.
Pour vénir in aide à Boxerman, je m'rappelle que ch'bureau i étot à droite in rintrant et qu'chés voitures is étotent dins tout el longueur de ch'garach'et i y avot eine vrai odeur d'huile, d'cambouis.
Je m'rappelle pus si i avot eine pompe à essence, à ch'tépoque là in avot cor l'Matisse et souvint in prénot d'l'essence à Hesdigneul sus l'route nationale,ch'étot un viux café (ravisez l'photo l'maison alle existe cor).
Ch'étot eine pompe avec deux récipients in verre in haut de l'pompe et i fallot ayonner un bras in fer pou les rimplir après cha déchindot dins ch'réservoir.
J'ai bien connu el garchon PLateroo, vu que j'ai été à Carnot avec li, cha fait des lustres... mais bien gravés
( 2 photos)