Eugène Dujardin , le dernier projectionniste du Colisée

c' est avec grande tristesse que j a appris y a peu, le décés de M Eugène Dujardin, qui avo été l' dernier projectionniste du cinéma le Colisée , à Bruay

personne fort sympathique, un camarate à min père

y a un très bio hommache de la voix du nord à sin sujet , j' va pas faire du copier coller .....

cha s intitule " clap de fin pour Eugène Dujardin, dernier projectionniste du cinéma le Colisée"

pour querre sur ch' t article là, j avo buqué " acte de décés Eugène Dujardin"

mi j a un souvenir d' Eugène qui nous avo raconté et j' vous l' raconte , cha m' permet aussi d' li rente hommache , cha concerno ché films catastrophes des années 75.......

ach' momint là, chéto la mode du procédé "son surround" dans ché flimes américains

par exempe dans "tremblement de terre" j' cro bin que chéto avec charlton eston, bin quand qui yavo des trucs qui s' écroulotent, cha faijo un bruit terripe dans la salle , comme si ché fauteuls i tremblotent aussi

i zavotent installé des hauts parleurs espéciaux, à meme le sol à différints indrots d' la salle

Eugène i éto projectionniste le soir, mais dans l' journée y éto chaudronnier......... donc savez i éto un peu dur de la feuille

et un coup i vient minger al' mason avec s' n épouse , et j y fait l' reflexion que j avo vu l' semaine avant le film "la bataile de midway" au colisée

et j y a fait l' reflexion , que ch' procédé y éto trop fort ....

bin ouais qui avo avoué Eugène, i s éto pas rendu compte qui avo la main lourde sur l' bande son ...

j' vous résume vite fait la bataille de midway, ch est l' premiere batale gagnée par ché zaméricains après la défaite de pearl harbour

alors imaginez, quand que ché zavions i partotent en piqué, ou qui tirotent al' mitraillette, cha faijo bouger ch' siege, cha cor chéto normal

mais rin qu en intindant ché japonais parler , ch' siege i vibro déjà ..........

y a des gins qui li ont fait l' reflexion, mais nous qu in avo été dins ché premiers à raviser ch' flime, in est arsorti d' là, comme si in avo passé eune journée dans l' chaudronnerie ..........

ché vrai qu'Eugène chéto un puits d'histoires sur Bruay. Chéto el voisin d'in face d'min plus jone frère din l'rue d'Hazebrouck.
Raymonde et Eugène i restote din lu maison depuis plus de 50 ans... et j'cros que Raymonde chéto el maison desse jeunesse, et qu'al i resto déjà avec ses parints.

Pi avec l'âge, Eugène il a eu du maux à monter coucher au 1er étage... chéto pu la forme, i véno même pu raviser les matchs ed foot-ball à mon d'min frère.
I a 2 ans, la mort din l'âme, I z ont décidé de printe une maison de plain-pied et i z ont quitté leur quartier pour aller s'installer à côté del gendarmerie.

Eugène il est parti tout douchemint et il a été inhumé el dernière semaine du mois de mai... J'étos malheureusement hors de France.

Minloute il a eu raison de rinte hommage à Eugène car ech couple là ché des gins in or comme on dit, d'une grande gentillesse.