jeu pas cher

cha chéto un des jeux les moins chers qu in avo, suffiso d un tube qu in y mette l' io avec ch' produit à savon, ayonner l ensempe, pi dévisser ensuite ..
ensuite in avo pu qu à souffler ....

fallo cor trouver l' bon indrot "ah nan, pas dins l' barraque" ou "évite ch' linge" .....

sans quo chéto un jeu économique, suffiso d' faire des bulles pi d'les vire s'involer ...s involer, pas forchémint très haut, cha arrivo quequ' fos que cha passe ch' chtoit del cuisine

après in avo pu qu à réver , à imaginer que l' bulle ale s invole tout là haut , pi que surtout ale fasse un grand voyache ...

un jeu économique j' vous dijo, bon fallo pas avoir deux mains gauches comme mi.....

éviter d' abord d' courir ..et d' renverser ch' produit ...alors cha grante espécialité à minloute...

"m'man, té peux n in armette" "COR ? " ou "DJA ?" ouais j allo pas dire que j' l avo cor renversé à terre ......

mais y avo pire, à suiffe comme un dératé l' parcours d' ché bulles , cha m est arrivé plus d un coup d' faire querre ch' tupe , et comme ch' tupe yéto en plastique, i s' fissuro rapid'mint

fissuré , cha suffiso qu in puisse pu s in servir, et ch' liquite i coulo à terre .......

zallez dire mais tel' faijo expret , bin nan, j' avo vraimint 2 mains gauches, j' diro plutot que j éto pris par ch' jeu, et j' compte pu l' nompe d' tupes à savon qu' em m'ère ale m a acaté à mon Defernez ...........

Faire des bulles, chéto bieau, ti t'éto déjà din du moderne..

Nous les anciens,in préno un bieau fétu ed paille ed 20 cm, in l'findo in quatre d'un côté, in l' trimpo comme ti din in verre ed savonnach, et in soufflo duchemint, pour ch'ti qui éro pu faire el plus grosse bulle....
ech' parle ed cha disons din les années 1943.... à 8 ans

Mi j'faijos cha avec du fil à buquer. In pouvo in faire ed toutes les talles. L'plus dur chéto ed faire un bio rond. Quand j'vos achteur que pour faire de bulles ed savon y'a des pistolets avec des piles qui t'font à chaque coup in n'quantité phénoménale ed bulles ed savon, in a vraiment évolué d'in ch'domaine là aussi.