mulquinier

mulquinier, que drole d'mot, j a trouvé cha en faisant des recherches généalogiques, ch'éto eune profession

quand que j a lu l' définition du métier, y a eune discussion avec min père et s' cousine qui m a arvénue al' mémoire, cha dato d' eune trentaine d années

min père i in éto aux débuts des recherches en généalogie, et y avo d'mindé as' cousine Clara, d' li faire oral'mint un résumé de c'qu elle savo del famile d' sin coté, branche maternelle du coté d' min père

cor heureux qu ale éto là et j' vous diro qu ale m aidero cor aujourd hui , pasque dins chte famile i zavotent eune étrange manie, ch éto d' canger d' prénom, Blanche as' faijo appeler Juliette, Juliette Blanche, Jean Baptiste Ernest, pour arriver à un point que quand qui a fallu arconstruire les actes de naissance disparus durant la premiere guerre mondiale, bin Jean Baptiste y a devenu Ernest officiel'mint, et mon grand père Alphonse, li i s appelo en vrai aussi Jean Baptiste, et y est devenu Alphonse sur sin acte d' décés ...
pas facile à arconstituer .... que j avinche tout douch'mint, à forche de recoupemints j' comminche à y voir l' bout

mais arvénons al' profession de mulquinier, cha ch' connaisso pas du tout
in fait Clara, ale raconto que dins s' famile, i zétotent du sud de Cambrai , Gonnelieu, Lesdain, Crevecoeur
ale dijo qui zavotent connu plusieurs années d' mauvaises récoltes, et que ché femmes ale devotent travailler al' caffe pour tisser

travailler al' caffe pour tisser, pour mi j in voyo eune imache du ginre "germinal" , misère paysanne etc

bin nan, pasque justemint ch'est là qui s'exerçotent la profession de mulquinier qu in artrouffe sur les actes

un mulquinier , chéto eune spécialité du cambraisis et de la tierache tout' proche, ch'éto quéqu un qui travaillo les etoffes de lin
chéto un artisanat rural, ché gins i zavotent ché métiers à tisser al' mason et ..dans la cave , pour que le lin i reste humide .......

Ch'est un nom bizarre ! In cachant s'prov'nince v'la chu qu'in découve : Mulquinier (obin meulquinier, murquinier ...) ch'est un mot qui dérife du viu mot molaquin ou mollequin, qui étot eine étoffe ed fine toile utilisée dins l'temps pou l'habill'mint.