Monsieur Wacheux instituteux à Loubet

école Loubet, classe de Monsieur Wacheux, facile à savoir du qu ale éto s' classe, chéto tout à gauche d' la façade, presque camuchée par l' batimint d' gauche

salle qui comporto qu un rez d' chaussée, à croire que chte salle ale servo ptete pas au départ d' salle d' classe, in l' saura jamais

bref, chéto là que Monsieur Wacheux i exerço la profession d' instituteur

et quand que j' dis "exerço", chéto fait avec sérieux.....

sérieux pasque , j' va bruler les zétapes, j avo meme été surpris qu in puisse ram'ner dins s' classe à la fin d' l année escolaire , des juets ..........

Monsieur Wacheux i nous faijo des cours solennels, ah attindez j arviens un peu en arriere, j éto à la fois contint et inquiet d' commincher l année avec li

d' abord pasque j avo passé mes deux premieres années à l' école Loubet, MAIS l école Loubet FILLES

cor heureux mes gins que ché maitresses qui s occupotent des classes d' maternelle ch'éto des zanges

yavo Madame Facon aidée de Madame Froment, Madame Facon chéto les buchettes et des piques qu in utiliso pour arlier des points sur eune carte que j me souviens bien

Madame Dupin, qui m avo troublé avec sin parfum entetant, mais un parfum bien agréape, qu avec elle j avo appris à écrire ...

contint donc d artourner chez ché garchons, après l' classe d' Madame Dupin, contint d y artrouver min camarate Asselin, Christophe d' sin prénom, que quand j éto tchiot j arreto pas d imbrasser quand que j arrivo à l école
li , comme eune partie des zéleffes d' premiere année d' maternelle, i zétotent partis au bout d eune année à l école Loubet garchon dins les classes de Mr Petiot ou Mr Mayeux

et in s éto artrouvé dans la classe de monsieur Wacheux

Monsieur Wacheux avo eune voix grave, j' l arvo au bord d' l' estrade, avec s' blousse en coton grisse, bin arpassée , bin prope

bin prope qu un coup in éto étonné, presque choqué, d' vire que Monsieur Wacheux qui s éto sali avec ch' chiffon d' craie contre l' poque d'es' blousse .......

Monsieur Wacheux j' dijo qui donno des cours solennels, et j' do vous dire que le gout d' la lecture, j li dois en grante partie

j éto commint dire hypnotisé , sous sin charme, quand qui nous dijo d' printe le cahier de lecture

j' peux vous dire que ch' liffe ch'éto soit "le petit Gilbert" ou " au pays bleu" , écrits par Edouard Jauffret
cha j' ai pu l' savoir grace à internet

j' peux pas vous dire lequel des deux chéto, mais j' peux cor vous dire , le début d' la premiere leçon près d' 50 ans après
malheureus'mint j' pourra pas vous retransmettre par écrit le ton qu employo mr Wacheux mais après qui a dit "Gilbert est un bavard, dès qu il se lève , il se met à marcher" , là mr Wacheux i prenno un temps d'pause , pi i raviso sur nos visaches si tout l' monte i suivo

j' me souviens que sur chte page, y avo su la gauche, un dessin du qui yavo ch' fameux Gilbert, tout bébé, dins sin lit et qui avo l' air d'et' tout gai

D'aprés c'que je vos monsieur Wacheux y avo rimplaché din l'classe au fond a gauche monsieur Beugin à m'époque chéto el 5 éme
monsieur Beugin y habito el maison a gauche quand in rintro din l'cour ed l'école a droite chéto monsieur Dubromel avec qui in passo el certificat d'étude