Mr Pruvost instituteux à Loubet
par minloute le, 28/01/2015j a u Mr Pruvost en CM2 , j a fait 2 années de CM2 pasque j éto né au mois d aout, mais j éto rintré eune année en avanche en maternelle, pasque meme si j éto pas ch' meilleux, j' éto pas ch' dernier non plus quand meme et j a pas ardoublé
donc m' vlà avec mr Pruvost, m' mère ale l avo pas ker, faut dire que li aussi i éto bin plus jone que Monsieur Robitaillé et Mr Wacheux, et ch'éto commint dire, un enseign'mint parfois commint dirais je , un enseign'mint un peu "personnel" ...
d abord i finquo la pipe, et i finquo dins l' classe
comme diro m'mère "c'que t as appris l' plus avec li ch'est at' balancer sut' cayelle " ouais i avo chte manie là, j' l avo dis am' mère pasque un coup i avo failli querre à la renverse ach' bureau, et que mi j avo l' sale habitute asteure à tape d' em balancer sur ché pieds arrieres del cayelle
aut' cosse " d'espécial" si j' osero dire, ch' est qui éto un fana mais un fana du football
j' me souviens qui a des coups in déchindo dans la classe de mr Mayeux et là i zavotent installé l écran d' télévision et i ravisotent un match d' foot in noir et blance bin sur , ch'éto l après midi, j' me souviens qui yavo un fameux Loubet qui i juo , j a artenu cha pasque ch'éto l' nom d'em n' école
sans quo mi j éto pas un fana d' cha, in devo suiffe le match ou tout au moins pas ouvrir nos gamelles, pour que ché maites i puissent raviser cha tranquil'mint ......
aut' cosse d' bizarre, avant chaque récréation, et j' vous jure que ch'est vrai, i d'mindo dins l' classe ceux qui voulotent aller juer au foot sul' pelousse qui yavo juste à coté d' l école, in y accedo par eune tchiote porte
et là si té voulo juer, bin té l' vo t' main, teut' metto en file indienne devant ch' bureau ...avec j' vous jure que ch'est vrai, un bon d' réduction à la main
ouais savez chéto l époque du que nos boites a lettes étotent envahies de coupons de réduction, pour del lessiffe, pour des shampoingues, des boites d' canigou etc etc
donc ch' maite i passo d'vant l' file et i récupéro ché bons d'réduction ..
après i conduiso ché zéfants d'vant l' tchiote porte, y avo des zéfants d autes classes qui voulotent juer, i zétotent al'porte aussi avec leu bon d'réduction à la main
ch' l' instituteux, commint vous dire, in avo l impression , nous qu in juo pas au foot avec li, qui éto plus gentils avec eux qu avec nous
am'mote cha devo et' del jalousie, mais un coup j ' avoue que j a récupéré un bon d' réduction que m'mère as' servo pas, j a été m'mette dins l ' file des garchons pour juer, mais mi qui compto m' faire bin voir, vu que j' juo comme eune cauchette, rin qu à intinte l' bruit dech' ballon quand qu in tapo d'dins j'voulo pas imaginer l archevoir dins l' guiffe, j'em faijo ingueuler, quand que j' passo pas la balle , pas au bon momint , bref j éto mauvais
j a arrété d' y aller bin vite, pasque au final jem' faijo plus mal voir in juant qu in restant dans la cour d' récréation
aute particularité, i émaillo sin discours d' mots in patois, et pourtant un coup y a disputé un eleffe qui avo imployé eune formule pas trop françaisse
i avo parlé d eune interview al' télé avec jean pierre beltoise ch' courreux automobile pi un spectateur, et le spectateur , un nordiste i avo parler patois, et qui dijo que tout l' monte i l avo ravisé d' travers ...
avec ch' maite Pruvost fallo pas avoir l' bleusse vue quand que té faijo l'dictée, malheur à ti, i avo la main leste , j' me souviens qui n a un qui habito rue de béthisy , "un pirate" comme m'mère ale dijo, i li avo foutu eune fessée que j ' pinse meme que ch'maite y a du avoir mau as' main ...
bon j' y do quand meme d' savoir la différence entre un attribut et un épithete, i avo fait un dessin au tableau avec eune vaque d' un coté avec un veau, et d' l aute coté d' eune cloture yavo un aut' veau
i dijo ch' veau chi , chti qui éto séparé del vaque, in l appelle attribut, l'vaque ichi in va l appeler verpe, et là chte veau, ravisez du qui est , à coté du verpe, donc y est là "et pi i tete" , épithète ........