commerces ambulants j avo oublié
par minloute le, 11/02/2015ch' en lisant l' commentaire qu à mis Vital sur le site Histoire de chtis sur faceboook, que j a souvenu que j avo oublié un commerce ambulant
chéto l' samedi après midi, d 'ailleurs l' samedi après midi cha meritera un sujet à li tout seu
l' samedi après midi yavo ch' camion d' chez Willaume qui v'no s' garer tout cont' l' mason, Willaume chéto ch' ti qui distribuo ché boissons dinch' quartier
sin camion, chéto eune cabine avec eune grante plateforme du que d'sur yavo des cageots d' boissons d intassés
cageots in bo, les plus lourds, du que d'dins yavo souvint du vin, cageots in plastique, qui prenotent d' plus en plus d' plache avec le temps
2 personnes pour faire l' tournée, yavo Francis et un aut', j a artenu que l' nom d' Francis, Francis i conduijo ch' camion, y avo aussi la responsabilité del sacoche qui porto toudis en bandouyere
ch' est li qui donno l' rythme, à peine ch' camion d' garé, i bondisso del cabine, sin collegue i grimpo sul' plat'forme
durant ch' temps là Francis allo arquerre ché cageots avec ché bouteles consignées vites, qu in avo déposé , dins l' cour quand meme, mais as' diposition
in ramenant ché cageots vites, l aute resté là haut, i raviso c'qui devo met' à la plache
gling gling, l' bruit des bouteles vites, qui étotent armisse dins d'autes cageots, et aussi vite que j'el dijo, ché cageots étotent rimplis , ardéchindus vite faits et Francis i les rapporto, buquo al' porte si in l avo pas cor intindu, présento l' facture vite fait, alors l' facture ale éto toudis faite sur des tchiots carnets publicitaires, du ginre "Pierval , l' eau de votre bébé", sans parler des "brasseries Pélican" ou "Porter 39"
nous in prenno del biere, j a l'souvenir d' la biere Bock, et j' cro bin qu in voyo comme un camion d' livraison qui éto garé devant des usines , la biere bock ale éto cor plus "moderne" pasque chéto comme la valstar, chéto un bouchon à visse qui yavo au d'sus sul' boutele
j avo oublié bin sur que such' camion, y avo del publicité et chéto eune marque d' biere "coq hardi"
la coq hardi comme la biere pélican, chéto des bouteles avec d' sur un bouchon céramique artenu par des tiges in fer et pour garantir que l' bouchon avo pas été ouvert et arfermé, yavo eune collerette in papier qui couvro l'pieche in férale, que té devo déchirer pour pouvoir ouvrir l' boutelle ...