j' auro p'tete pas du

y a des coups , quand que j arlis différents zartiques que j a publiés sur histoires de chtis, j' em' deminte si j a pas été un peu impudent envers tous ché gins dem' famile que j a décris in long in larche et en travers ...

j allo meme dire, "surtout in travers", quequ' fo avec moquerie, quequ' fo pas mis sous leur meilleur angle , et comme i sont pu là, i peuffent te pu s' définte ......

ch'est vrai par momints j ap'tete eu la dint un tchiot peu dure, ou j a accentué un trait d' leu caractère ....

faut dire qu après plus d' 10 ans, y n a dins m' famile qui sont devenus un peu "célébres"

j' me souviens qu André Paillart, André de Marles, i avo ker suiffe tout c' que j ' raconto sur eune cousine à min père, la "fameuse" Clara, que meme y avo été photographier l' pitite maison du qu ale avo habité rue florent evrard ....

bon Clara, ale a pas as' plainte d' em' n évocation, ch'est ptete pas la meme cosse pour la tante Marie, mais que voulez vous ma tante Marie, vous m avez jamais montré un trait d interet envers ché zinfants qu in pouvo et' ......

mais m avez laissé quand meme queq' souvenirs "épiques" .....


après j' em dit, là haut, i doiffent avoir internet asteure, et am' mote j' espère qui doiffent et' surpris d' vire qu in parle cor d ' eux que cha fait presque 40 ans pour la tante Marie, et un peu plus d' 20 ans pour Clara, et "grace à mi" i sont toudis d actualités .....

ou tout au moins i zont été armis un peu sous la leumière dech' quinquet, comme ale fait aussi Annie Dedourges avec ses souvenirs d infance ...

armette sous la leumiere des gins qui sont pu là .....

donc mes gins, si par hasard , zallez au cimétiere d' labuissiere, à peu près en son centre, y a eune tompe , que ch'est marqué d' sur "famille dollet Delahaye" , pas plus pas moins ...

ouais ch' est domache d' marque comme cha "famille" untel, sans préciser qui qui est interré là ...

donc j arviens à si vous voyez l' tompe "famille dollet Delahaye ", bin là ch'est mon grand onque octave et s' femme marie qui sont là interrés

mononqu'octaffe et la tante marie qu in dijo, passez leur dire un chtiot coucou, j' su sur que cha devro les étonner, am'mote qui doivent pas avoir grinmint d' visites à l année ...