la même histoire version 1

titre " la médale à grand mère" .....

pourtant voyez , cha fait plus d' trente ans que j' a l' médale du mérite, que j'la supporte chaque jur et voyez rin que pour cha, j' sais que quand que m' n' heure ale va sonner , la plus tard possipe ...

quand que j' va arriver là air, et que j va passer devant Saint Pierre et sin grand pupite, i dira j' su sur "ah ch vous qui avez connu ch' calvaire sur terre, zirez directemint au paradis " ...

donc cha fait 30 ans que grand mère ale fait du bouillon avec des légueumes , avec in plus des pétotes d' dins, que mi j' y dijo que j avo ker ché pétotes , sauf dinch' bouillon , mais jamais ale associo l' viante du bouillon avec du riz

et pourtant j' dijo, té sais al' mason.... ouais qu ale dit, j' conno la suite "ma mère ale faijo comme chi" " ma mère ale faijo comme cha ".....

OUAIS que j y dijo, m' mère ale faijo l' bouillon avec du riz , pi souvint avec del sauce tomate ...

mais rin ni faijo, jamais , ale faijo comme à mason, bouillon, légueumes, pi après viante avec ch' riz sauce tomate

et là...commint vous dire , faut jamais desespèrer, là, d un coup ,j' sais pas que mouque qui l a piquée , ou si chéto eune mineute d' bienveillance , ouais eune mineute pas plus , sinan plus cha tiendro du miraque .......

vlà t y pas qu ale fait bouillon, légueumes mais sans pétotes , riz , viante et sauce tomate

et j' sais pas du que j avo m' tiete, j a comminché à minger cha comme si chéto normal

et a arrivé l' sauce tomate, et là, j a vu qu ale avo fait comme à mason

ah j' dis t' sauce tomate, ch'est eune tuerie ...

alors ale dit " aussi bin que celle d' ta mère ? "

et là j' y réponds, " acoute , miu qu' cha , celle que faijo ma tante, quand qui yavo ch'repas au nouvel an, t as qu à vire"

bin ale l a pris comme si chéto eune médale, j y a répondu "eune médale d' la légion d honneur del sauce tomate"

ale rougit cor ....