Les jardinsjacinthe
par minloute le, 25/01/2017sur que ch'est un peu un sujet "marronnier" , cha arvient chaque année , mais après tout , inter nous, quand que j' vo le journal d'13 heures d' tf1, ch'est souvint les memes séries .....
in a dro à not' carnaval de nice, à not' marché d' noel en alsace, j in passe et des meilleures ...
alors , sur que j in a djà parlé , mais j a toudis l' plaiji d acater eune jacinthe au mois d' janvier
j adore ch't odeur d abord, pi la jacinthe chéto eune fleur que m'mère ale acato à ché memes dates
yavo eu ché cadeaux d' noel, yavo eu ch' buis et le gui, yavo eu l épiphanie, et avant la chandeleur, in offro des jacinthes
premiere fleur parfumée de l année, rin qu al' vire, àl'sintir, j' em vo avec m' mère , l apporter am' tante , qui elle , in offro eune aut' am'mère ....
parel, avec la cousine à min père, qui elle, nous donno souvint un peu plus tard, un bouquet de mimosa, oh sacrée odeur aussi que j avo ker
temps passé, mais tradition gardée, j offe toudis à grand mère chaque année, sin bouquet d' jacinthes
j'ichi vous faire un déballage d'eume connaissance par hazard.
Y a 4 ou 5 ans, l"harmonie de Bruay, du que j'jue, al avo un coup d'plus participé à un concours de compositeurs à Lille.
Un des morceaux sélectionnés pour el finale i s'appelo ENDYMION. Toudis curieux, j'avos caché sur internet et endymion, ché tout simplement le nom de la jacinthe espagnole.
( 1 photos)
