Marinette

Marinette, m' copine d infance, j' t avo complet'mint oublié

j' t adoro , in pouvo pas dire que t' éto "plate", nan ...

pi j' me souviens cor d' tin gout sum' lanque , bin d' zannées après ...

j' me souveno pu d' tin prénom, ch'est vrai, té sais nous ché garchons, in n' a pas artenu tous ché prénoms féminins qu in avo ker , mais Marinette ....

Marinette , commint que j a pu n' pu souv'nir d' tin prénom, pourtant mi, mes souvenirs d infance, j'in a grinmint, j allo dire cha fait presque 12 ans qu in in parle sur l' site ........................

mais Marinette, dire que t arrivo tous les samedis après midi al' mason, et que j' t attindo avec impatience, tout au moins j' raviso si Francis i t avo pas oublié ....

pi un jur , t as disparu, si j oso un mauvais jeu d' mots j' diro que t avo fait "pschitt" .....

zallez dire, cha y est minloute i a d'venu babache, i raconte des chosses très personnelles...

j' va vous rassurer, Marinette, ale arrivo tous les samedis après midi avec ch' camion d' livraison d' chez Willaume, ch' marchand d' boissons d' la rue Anatole France

Francis chéto ch' livreur, et Marinette, chéto eune marque d' citronnade , d orangeade et pi d' limonade

al' mason in prenno citronnade et orangeade, ch éto cor l époque du que ché bouchons chéto comme en porcelaine, montés sur un système in fer , avec eune pieche ronte in d' sous en caoutchouc rouche qui assuro l étanchéité ....

j auro voulu printe limonate, mais m'mère ale dijo que ch'éto trop sucré ...

j a marqué que cha avo fait Pschitt , pasque j' sais qu après , in prenno Pschitt oranche et Pschitt citron mais cha chéto al' coopératifffe

pour finir j avo oublié d' préciser que chéto fabriqué par Pierre Hélart , j' sais pas du que ch éto à Bruay

j'habitai pas loin de chez Helard la brasserie était route d'Houdain en fac il y avait la ferme Sire, ma soeur y travaillait et moi pendant les vacances scolaires, je lavais et nettoyais les bouteilles

l'avenue des Aviateurs était à 200 mètres de la brasserie ou plutôt limonaderie car il ne fabriquait pas de bière, j'avais 12 -13 ans maintenant se serait scandaleux et d'ailleurs interdit au niveau du stade parc, la aussi un autre fabriquant de limonade
juste en face de mon coiffeur et de celui de mon père qu'on appelait l’américain de son nom Fievet
son fils était explorateur, la coupe se faisait avec la tondeuse à main le nom de ce marchand de limonade ne me revient pas pour le moment Durand Dupond je ne sais plus. De très bons souvenirs

comme vous pouvez le voir le nom du 2è marchand de limonade m'est revenu en mémoire, c'était Leduc, celà fait tellement longtemps mais comme on dit c'était le bon temps