du byrrh au visqui

du byrrh, mon diu pour ché jones générations, ch est bin un nom bizarre
tout cha pour désigner eune marque d apéritif ...

chéto l époque du que le "visqui" ch'éto pas répandu comme asteure, le visqui chéto c'que buvo les zaméricains...

j' me souviens d' min frère qui in avo acaté, et min père y gouter, et qui avo dit beurk

nan min père i avo plus ker boire un apéritif traditionnel, avec eune préférence pour le pastis

j a marqué pastis, i préféro le pastis duval au pernod , et au ricard
quand que j' dis qui préféro, ch'éto bin en dessous de la limite autorisée vu que j a jamais vu min père s' arservir un deuxieme verre

arvenons au byrrh, que cha faijo partie du monte des apéritifs à base de vin ....et de quinquina , qui se sont grinmint developpées durant la premiere moitié du 20 ème sieque

ché fameux vins cuits qui avotent fait la fortune d' certains vignerons, et dont in voyo ché marques tout l' long d' ché routes

souvint peintes su ché pignons des masons, le long des routes nationales, cha auro fait bondir monsieur Evin, ch' ministe qui a règlementé ché publicités sur l alcool et le tabac

y a pas si longtimps, l' nez collé al' vitre arriere , à raviser défiler ch' paysache, j avo ker citer l' nom d' ché publicités qu in voyo tout l' long del route, et ch'est vrai qu à forche cha pouvo qu inciter à barloquer ...

du bo du bon dubonnet, vin fou henri maire, Banyuls, Vabé, Suze, Picon, Pernod.........

pi dans les années 60, tout c'qui veno d amérique cha avo la cote ...musique, flimes, vet'mints et à partir de là ché apéritifs d' vins cuits français zont comminché grinmint à batte d' l aile

pi le visqui chéto eune boisson d' hommes, in voyo jone Wayne n in boire quand qui rintro dins ch' saloune, meme qui faijo un tchiot rictus, pour montrer que chéto pas del boisson d' garnoule ........

un tchiot rictus, pasque ché coboles chéto pas des mauviettes, et l' vin cuit, bin s' n imache ch est devenu eune boisson "obsolete" , une boisson du passé

cor que quand qu in busie , et qu in ravisse les apéritifs d asteure qui ont tenu l' coup face au visqui , ch'est pas forchémint les plus douces ...

quand qu in vo que la suze ou l' picon i tirent cor leur épingue du jeu... et pourtant ale sont espéciales in gout

le byrrh au dela de ch' nom là qu in voyo sur ché publicités, pour mi , ché un viu souvenir, pasque al' mason ,quand qui yavo apéritif , m' mère am' sorto un verre espécial

chéto le verre " vert" avec l écusson byrrh collé d' sur, j' trouvo cha tel'mint "classe" ...

rassurez vous à l époque , m' mère ale verso non pas du byrrh dinch' verre, mais du jus d' raisin de la marque challand...