Les jardinssujet marronnier
par minloute le, 02/11/2017sur que ch'est un sujet "marronnier" comme in dit, in sujet qui arvient chaque année à la même date , comme les grantes vacances, la Noël, la rentrée des classes
mais comme sur TF1 i s' gênent te pas pour l' faire à tout bout de champ, j va quand même parler d' la Toussaint
d abord pasque sur que pour beaucoup d intre nous, même si in l' dit pas, in in pinse grinmint
chrysanthèmes et pomponnettes ont transformé ché cimetières, et leur ont donné un air d'été indien
solennité et recueillemint , quand que ché gins i rintent avec ché potées dins les bras
tompes frottées, in devro plutot dire embellies, comme si en ce jour in les zarmetto à l honneur
plein de souvenirs qui arviennent , le bruit quand qu in marcho sur ché graviers, le brouillard et le frod souvint présents , et surtout le recueil'mint
le momint du que , quand qu in est tchiot , in est surpris d'déceler eune pointe j allo dire d' chagrin nan ch'est pas cha, ch'est l' momint du qu on devine nos parints plus vulnérapes
comme si pour nouzautes , les tchiots, les parints i pleurotent jamais
comme si pour nouzautes, les tchiots, ch'est "bizarre" d' vire nos parints tout émus d' vant la tompe d' leurs parints , alors qui sont morts depuis bin longtimps ...
mais cha , faudra qu in so un jur à leur plache , pour l' comprinte ...
