Pourquo qui drache au mos d’mai ?

Ch’est à causse ed Raymond.
Raymond ch’est une brafe homme qui reste à Marquisse.

L’histoere, s’passe un biau diminche insoleillé du mos d’mai.
Raymond, après avoer forché un pew su l’bire aveuc ses frites qu’Simone eus fème, alle aveut préparé aveuc amour; i s’a mis bin al coyette su sin canapé à raviser l’foot à l’télé.

Volà, Simone li prind l’invie d’aller bisir* à Wissant. Mais Raymond, li, i préféreut rester à s’mason surtout qu’il avot bezon d’cuver sin trop-plein. Bon comme il éteut brafe, il n’a pas su dire nan et les volà partis pou Wissant.
Mais eune fos arrivé, cha a été pire que tout.

D’abord, i a mis eune heure à treuver eune place.
In ouvrant s’portière, il la poqué sur el mur car il étot un peu près.
Et pis après, is ont marché trinte minutes pour trouver une place su l’sape. El première al étot pas terripe car y avot des éfants qui argibondotent* et pis qui faisotent du buzin. Raymond i pouvot pos s’arposer alors, il a parti treuver eune aute place mais su l’sape fraique. Il a pas pu mette s’capiau su tiête car i s’a involé aveuc eus vint d’voleu.

Pis après, is ont marché 1 kilomètre pour cacher chal mer qui étot basse et très lon et très froite.
Pis in fin journée, arcran* par chette journée et azis* comme des sauchisses, is ont rimballé leur st frusquin pis artour à Marquisse.

Mais quind Raymond i est arrivé à s’carette, i s’a pris une preune comme quo il étot mal garé.
Alors i leva les yux au ciel et dit « Min Diu, pourquo te m’fais toutes ches misères ? » Eune mouette li a quié d’su ; ch’étot pit-être eune réponse. J’cros bin qu’el bon Diu, il l’a acouté car edpis c’timps-là, i drach toudis au mos d’mai.


Bisir : bronzer
Argibonder : chahuter
Arcran : épuisé
Azi : brûlé

Merci à « banque chtimi » à l’adresse: http://banquechtimi.blog4ever.com pour ses lexiques de chti.
Gab Caux