Fortuné et sin patois qui canto

souvenir d' Merlimont, mais cha auro pu tout aussi bin s' passer à Bruay les berdoules ....

Fortuné et s' femme Marie, qui étotent d' la rue d' Isbergues, venotent à Merlimont , tro s'maines souvint l été , pour s occuper d' em grand mère, durant l' temps que m'tante ale parto en vagances ...

faut dire que même si in les a ker, j' comprinds qu' m'tante ale a du apprécier d' pouvoir partir comme cha , un momint d' l année sans avoir s' mère avec elle ...

bon arvenons à mon Fortuné , Fortuné , j in a djà parlé, cha a été , avec le recul, min meilleu professeur d' parlache d' patois que j a pu connaite .....

d abord pour ché mots, que y a des coups après eune conversation à mon dem' grand mère, j'arveno vire min père et j y demindo c' que cha voulo dire ....

i parlo que patois, mais grâce à li j a su conjuguer ché verpes au passé ou futur d' l indicatif présent en patois s il vous plait ...

pouvez me d' minder l' passé du verpe voir (vir) à la troisième personne du pluriel, cha faijo "i voyottent" ....

et si in imployo l' verpe "raviser" cha faijo "i ravisottent"

et au futur mes gins, "i verrotent" , " i raviserottent" ...

ah ch'est sur que j l intiquo plus facil'mint dins m' tiète que ché mêmes temps à l indicatif du "bon français".....

j' trouvo cha rigolo pi surtout bio, d' finir des phrases avec l' son "otte", j' trouvo que cha faijo canter sin parlache

ch' est ti pas biau tout cha, mi j avo 8 10 ans à ch' t époque là, al' mason in parlo pas patois, et quand qu' à Merlimont j' pouvo acouter eune conversation d' Fortuné, j' buvo c' qui dijo ...

cha m avo donné l envie d' cacher après des verpes et d' les mette mi même au passé ou au futur, rin que pour intinte ch' son "otte" ...

j' l arvo cor, Fortuné, grand gaillard, aux caveux blonds, aux ziux bleus, aux mains que ch' éto des battoirs , même aprés 65 ans passés

et savez un mineur qui a fait tout s' carrière au fond et qui éto cor solite comme cha as' n ache ch éto pas si courant qu' cha

toudis s' cigarette au bec , à ralleumer quand que cha s éteindo , avec sin briquet zippo....

qui a des coups cha faijo d' sacrées flammes, et qui dijo, "bin vinguette, j' a failli m' bruler m' guiffe"......

quequ'zannées après, Marie ale est partie la première , là , ch' grand gaillard, y a chancelé

pi savez , in voyo bin qui avo d' plus en plus d' maux à arprinte sa respiration

j avo été l' vire , cor heureux qu in m avo prévenu, mais d' el vire , li qui symboliso à mes ziux la force même, del vire , coinché dins sin fauteul avec ché tuyaux dins sin nez arliés à ché bouteles pour l aider à respirer, cha avo été et j' l' a toudis en mémoire, quequosse qui m avo marqué

hommache à ti Fortuné, min professeur sans diplômes au grand coeur