la Renault 12

cha do dater de 1974 1975 pas plus, min père avo acaté eune R12 comme celle qu in vo sul' photo
tout cha en passant par un vigin qui travaillo à la STA de Ruitz, savez la société qui fabriquo des boites automatiques , et que chéto à Renault...

chéto pas eune carette neuffe, ale avo un faible kilométrage, cha avo celle d un représentant d'la société

pour l époque ale faijo "moderne", ale in "invoyo" , faut dire que sin oranche fluo i cangeo des couleurs plutôt basiques qu in trouvo à l époque ...

(i zont fait la même chosse avec la R15 et la R17 mise en avant d un modèle de couleur jaune clinquant)

sur que dans la rue Leverrier, ale passo pas inaperçue, mi j in éto fier, min père aussi
surtout bin que cha faijo une dizaine d années qui conduiso, i avo toudis eu des carettes bricolées, avec un permis d' conduire espécial

comme i avo eune gampe raite, yavo un système avec eune manette supplémentaire au volant , arliée à eune des pédales par un cable de frein, cha li permetto d' passer les vitesses, mais chéto quand même d un archaisme ......

là, chéto vraimint eune carette avec boite automatique, in plus del couleur oranche clinquante, l intérieur étot tout noir , et in plus équipé à l avant de sièges baquet, in pouvo difficil'mint faire plus "sport" , cor que min père avo djà 64 ans à l époque .......

ah la Renault 12 chéto del carette, enfin ch'est l imache que j in avo à l époque ...

j a eu l occasion d in arvire eune ya pas longtimps, et là j' a plutôt été déçu, ou plutôt j a vu que ché carettes ont bin évolué ....

ché peneux i paraissent asteure pas grinmint larches, ch' volant i éto en fait tout fin, pi l avant i arsempe plutot au musieu d' eune musaraine .......

mais pour l époque , chéto moderne, dans la continuité de la Renault 16

pour nous qu in sorto d eune 204 pi d eune 304, ale nous paraisso bin plus longue ..........

j' l a eu après, et même qu in l a arvindu cor après...

j in profite pour mette chte photo, vu qu à la fois ale rappelle l' carette d' min père, et qu in plus ale vous souhaite la bonne année ....

cha été m'deuxième carette. ej l avos acaté d'occasion in 81
l'avantache ché que les sièges faisotent couchette.
à ch't'époque la j'habitos déjà in région parisienne mais ej fréquentos à Bruay. quand j'armontos cha m'évitos d'inmener m'fiancée à l'hôtel ..lol