les bidasses en folie

hier en zappant j' su tombé sur le film "les bidasses en folie" .....

djà à l époque , chéto pas considéré comme un chef d oeuvre, mais là à l arvire, j a meme eu du mau al' suivre, et j' do avouer que j a cangé au bout d un momint .....

chéto l époque du "bon humour franchouillard" et queques zannées après , Robert Lamoureux et sa 7 ème compagnie à coté , cha pourro concourrir aux zoscars .....

mais ché flims sur les bidasses, cha marcho bin, faut dire qu à ch' t époque là, le service militaire, in plus si té l avo pas fait , cha pouvo t inquieter pour certains, et pour d autes chéto l aventure ...

ach' t époque là , t intindo " t as pas fait tin service militaire, t es pas un homme " .........

in plus, t in intindo toudis parler du service militaire, so par des gins det' famile qui l avotent fait ou par des frères des camarates ....

al' mason , personne avo fait sin service militaire, alors mi vers 10 12 ans, j in intindo toudis parler par mes copains

alors savez , ch'est comme pour la restitution de l' Histoire, y a eu grinmint d interprétations et quequ' fos d arrang'mints, toudis à l honneur de chti qui raconto sa périote militaire

j in a intindu sur ché premiers jurs d incorpo, comme i dijotent ,avec des infirmiers militaires avec des s'ringues d' vingt metes qui t' piquotent sans ménag'mint .....

des complications survenues à la suite d' ché piqures dins l' dos , que cha t' bloquo au lit durant quequ' jurs ......

que dins l' nourriture , yavo du bromure, mi j' comprenno pas bin ,mais j' compreno que chéto pour calmer les zardeurs d' chti qui t in parlo ....

sans compter, souv'nez vous, si té les zacouto, i zavotent tous fait partie des commandos, ou tout du moins zavotent fait un stage commando avec des parcours du combattant qui t' laissotent intinte que cha t'tiro d' sus à balles réelles ....

des problemes d ortiaux avec ché rangers, enfin pas pour eux , mais pour des collègues à eux bin sur ....

ouais pasqu i faijotent , in les zacoutant, des marches de j' sais pas d' combien d' kilometes ...

sans parler des sergents qui devotent sortir du gardiennache du bagne de Chéri Bibi

et la nourriture que chéto pas bon du tout, limite du brin.....

mais d un aut' coté, racontotent d'zorgies alcoolisées, d' concours d'buvaches d' canettes au foyer ......

in plus , là ch'est vrai, chez nouzautes i n avo grinmint qui étotent cantonnés en allemane ...

in éto cor pas loin après la guerre, tout au moins , le souvenir étot souvint plus tenace que l idée d eune union européenne avec nos voisins d outre rhin

à les acouter, bon là ch'eto souvint vrai, l hiver là bo chéto la sibérie ........
bin sur au momint du qui devotent faire des maneuvres ......


l allemane chéto loin , i parlotent tous , leu mères aussi, du temps interminape qui mettotent pour arvenir in permission dans l' pas d' calais ...

l' allemane jusqu à Paris la capitale, gare de l est...
pi gare du nord pour arvénir al' mason

certains , j l a vu plus tard quand chéto min tour, i "s amusotent" à bin s' faire couper ché caveux à ras pour arvenir ché zeux
cha faijo cor plus viril ...

grinmint avec ch' sac militaire, enfin ch'faux , chti acaté au foyer, mais qui donno l imache d' ete dins ché parachutistes ...

sans oublier ceusses qui avotent un tchiot galon, caporal ou caporal chef, et qui s arringeotent bin sur pour débarquer al' mason arvétus de la tenue de sortie ...

cha avo d' quoi faire peur tout cha quand meme ........ alors ché flimes comme les bidasses en folie, quand qu in conno le contexte de tout c' qui avo autour du service militaire, d un coté cha faijo rigoler si in éto bon public et d un aut' coté cha rassuro pas pour quand qu in y sera ..

ouais pasqu in plus , si t avo , comme mi , du maux à faire mes lacets quand que j éto tchiot, j avo dro souvint à " t'mère ale sera pas là avec ti au service militaire" ...ou " té vera quand que té feras tin service militaire" ...

ouais, yavo ch' sentimint aussi qu in pourro pas i couper, qu in le fero un jur not' service militaire ...

in intindo bin certains qui s' vantotent d avoir rouler ché médecins militaires et d avoir été réformés , mais zétotent pas grinmint quand meme ......

et j' do avouer hélas ,que quand que j a fait l' mien d' service militaire, 12 mo, la "82/10", en arvenant le flime des "bidasses en folie" , j' do avouer que j a vu mi meme d' mes ziux vus, des comportements de gradés ,qui aurotent pu s' dérouler dins ch' filme avec les Charlots ...