la boutele d' gasse

in a souvint mis en avant nos souvenirs du qui yavo cor ch' fourniau dins l' cuisine .....

la caleur qui dégageo (enfin que dans l' pieche ...), la cafetiere à un coin, l' odeur d' la zébraline quand qu in l' nettoyo, la "cérémonie" du ramonache au matin avec l' ramassache des cendres ......

enfin ch'est nous asteure qu in in a la nostalgie, mais j' me souviens dem' mère quand qu ale a acaté eune gaziniere, mon diu qu ale éto continte .....

bon sur que ch' bouillon ale a continué al' faire mijoter such' fourniau jusqu au momint qui a eu ché "rénovations" et qui a été démoli .....

nan, m' mère ale éto continte d avoir eune gaziniere, chéto quand meme un confort d' plus , pi savez j' va pas juer les grands cuisiniers, mais sur eune gaziniere té peux facil'mint régler la caleur , un fu tout doux par chi , un plus fort juste à coté si té voulo ...

un exempe, ch' lait à cauffer, si té metto ch' bouton bin bas, yavo jamais d' asquident ...

pasque j' a des souvenirs d' dégobillaches évités d' justesse, rin qu à sintir ch' lait qui éto sorti del castrole et qui s éto répendu sul' plaque du fourneau ...

un sacré progrès la gaziniere, mais avec ch' grand mystere qu éto la boutele de gasse ...

eune boutele de gasse ch'est comme quand que t as un pneu crévé, cha arriffe toudis au mauvais moment .....

j' sais pas si vous vous souv'nez d' cha , mais dans eune pieche d' Moyère, "l école des femmes" , y a eune réplique célébe, ch'est "le petit chat est mort" .....

bin, m'mère ale auro pu tenir le role de n importe quelle comedienne d' la comédie française, en rimplachant " le petit chat est mort" par " Léonce, la boutele de gasse ale est vite "........

la boutele de gasse vite, chéto un drame pour m' mère ...4

bin sur , cha arrivo toudis au mauvais momint, yavo toudis quéquosse in route quand cha arrivo, (aprés vous m' direz que ché normal , le gasse ch est comme la pile wonder, "ale s use que si on s in sert"..)

alors commincho tout un rituel .....

min père i allo querre la clé anglaisse, sorto l' boutele d la gaziniere, la peso pour vire si ale éto vraimint vite, et artiro l' toyo qui la relio à la gaziniere

mi j' raviso "de loin" , tchiot j avo pas confiance dins chte boutele ...

min père alo querre l'carette, mette l' boutele d' dins ch' coffe, direction à mon chez Cadot, la droguerie quincaillerie de la rue anatole france...


retour avec la boutele pleine, (là fallo à la fois pas trainer dins ses pieds, et li gener l' passage, mais aussi et' là pour ouvrer ché portes quand qui rintro avec la boutele, ch'éto pas toudis facile ...)

m' mère ale raviso min père mette in plache la boutele, ale tiro sin nez comme in dizo par chez nous............

bin ouais , ale éto contrariée d'ete arrétée ainsi à faire la cuisine , sin taillemigue i éto chamboulé

min père i li dijo" ch'est pas graffe , in est pas à deux minutes près pour minger" ...

pététe pas deux ,mais fallo pas trop qu' cha traine, j' va critiquer min père , j a l' meme virus...........

chéto toute eune histoire pour incrinquer l' boutele dins la gaziniere, vu qu' min pére avo eune gampe raite ...


v eune fo la protection in plastique autour du bouchon ENFIN artirée (ouais intre temps y a du intinte plusieurs coups le fameux mot de Cambronne)

in avo dro alors à sa premiere vanne (pas de gasse) , eune fo qui avo artiré ch' plastique, i crio d un grand coup " PAAAAAFFFFF" comme si l' boutele ale éto en train d exploser ...

in éto pourtant habitué, il le faijo à chaque coup, mais cha faijo toudis sursauter m' mère .....

eune fo tout installé, ma mère comme à cap carnaval, ale demindo le feu vert à min père pour ouvrer l' arrivée d' gasse et vérifier si cha marcho ..

et là in avo dro à la deuxieme vanne d' min père "le gasse part" ...

la boutele de gasse chéto eune contrainte, et cor in avo pas as' plainte min père i prenno s' carette pour aller la querre...

d autes in les voyo passer en tirant un chariot metallique , mais yavo cor beaucoup de solidarité, et ché femmes agées, quand que cha leur arrivo, yavo toudis un vigin " prince charmant" qui allo li querre la boutele à la quincaillerie

plus tard, ya eu ché conduites d' gasses qui ont été installées dans la rue anatole france et là, yavo pu à s occuper de rin... ch'est cha l' progrès ...