Merlimont au soir partie 2

'viens d'em rende compte que j a manqué à mes devoirs,,,, j a meme pas présenté le « chalet » du qu in passo nos vagances ,,,,,

un chalet, pasque chéto sin nom chez leroy merlin ,,, ouais mes parints l avotent acaté aux débuts des années 50 dins ch'magasin qui éto situé entre merlimont et berck,,,

« heureux comme un roy, dans un chalet Leroy » ch'éto la formule

faut dire qu après la guerre, m' mère et ma mamatante avec leu familles partotent in vagances à merlimont plage

souvent fin aout début septempe quand que chéto moins cher, i louottent chaque année des villas

et souvint quand qui zin parlotent , au lieu de dire , chéto en 51 ou en 52 » , i dijotent par exempe   chéto l année « sans gène »

« sans gène » chést eune villa qu ale est cor là , au coin d eune rue qui donne su l avenue de la plage,,,

début des années 50, chéto le boum d' la construction su la cote d opale, les tickets d' ration'mint , in veno tout juste d'plus les utiliser et ché gins i zaspirotent à profiter d' l iote et des grantes plages, pas si loin du bassin minier ,,,

chéto cor le farwest, terrains à défricher , à des prix cor raisonapes, et ch'est m' grand mère qu ale a payé ch' terrain

cha devo et' un depotoir pour une boucherie, vu qu in nettoyant l indro yavo plein d' morciaux d' carcasses d' bietes ,,,,

terrain acaté , chalet livré, y a fallu après l' monter

un chalet, eune mason préfabriquée ,,,que ch' ti qui construiso ché masons du coin, mr pammard , qui avo sin dépôt juste à coté , quand qui y a vu min père et mon mononque commincher al' monter, y a dit que ch éto monté d'travers et que cha tiendra pas longtimps ichi au bord de la mer ,,,,

comme dijo min père, en souriant, bin d' zannées après, le chalet y est cor là, et rapid'mint y a été protégé à sa gauche et à sa droite , par des constructions « en dur » ,,,,

ch'éto spartiate, deux pieches au total, eune pieche qu ale servo de cuisine, salle à manger et « salon » quo que yavo bin sur pas d' télé ,,,,,

pi, à coté, séparée par eune cloison des plus fragiles , yavo la champe à coucher avec un grand placard au fond ,,

ichi aussi yavo eu aussi grinmint d' « récupérations » ,,,,

rin que ché lits, mon dieu ,,,, structure in fer, matelas qui avotent bin vécu ,,,,,

j' me souviens du mien, de chti du p'tit lit que té rintro d'dins et d un coup té t artrouvo coinché au beau miyeu , dinch' trou qui s éto formé au fil des zannées ,,,,

quand que j' parlo d' eune cloison fragile,,,,,,

quand que t éto cor au lit et que d' l aute coté m' mère ale ouvro l' porte d' l étagère qui éto accrochée à mi hauteur,,,,

alors j' sais pas si ch éto l aimant qui éto trop fort, mais j avo peur à chaque coup que si ale donno un coup trop brusque , ale auro archu sur elle, l étagère accompagnée d' la cloison

pour completer l inventaire, dehors y avo eune vielle cabane in bo, en fait eune viele remise des chemins d' fer des zouillères qu ale servo d' cagibi et d abri pour ché souris ,,,,

et bin sur , j auro pu dire comme Cabrel, la cabane au fin du gardin,,,,

mais in y arviendra biento à chte fameuse cabane ,,,,

pi, un discours ch'est bien mais eune photo ch'est cor miu, vla ch' chalet à la fin des années 90,,,,