Merlimont au soir partie 3

Lave te les mains minloute , ouais fallo pas pinser eune seconte faire eune toilette d' cat, m' mère ale raviso du coin d' l eule ,,,

la nuit éto complet' mint tombée, min père i éto arsorti pour freumer ché volets, qui donnotent su l avenue de la plage

plus in allo avincher dans la soirée plus le calme i allo s' faire ,,,,,,

sur qui yavo cor ch' passache des colonies qui arjoignotent leur camp'ment pas loin d' la fausse grotte qui yavo entre merlimont plage et merlimont ville

bientôt le flux des voitures y allo s estomper , et ch' réveil, et sin fameux tic tac, allo devenir le métronome d' la soirée ,,,,,

min père i arpreno sin journal «  la croix » qui allo cor éplucher un dernier coup ,,,,,,,, m'mère ale éto toudis plongé dins sin tricot ,,,

soit ale tricoto en comptant ché points, soit ale s arreto d un coup pour compter toute la rangée, rajouter après un point ou en artirer un ,,,,,

m' demander si chéto pour mi, d' em' mette debout et qu ale collo ch' pan du pull tricoté su min dos pour vire si cha allo vraimint suffire ,,,,,,,

mi j' ralo toudis quand qui fallo faire cha , surtout que j éto plongé dans la page d' la voix du nord qu in suivo l été, savez celles du qui yavo tous ché jeux ,,,,

un tchiot mot croisé, jel laisso d' coté, j' essayo d' deviner ch' rébus, d' trouver ché 7 erreurs entre ché 2 tableaux , cacher les lettes qui minquottent pour completer des mots , ou trouver ch' bon ch'min pour sortir du labyrinthe

ch'éto l été, autant l hiver la voix du nord ale métto en avant le « noel des déshérités », autant l été, chéto plus festif, yavo eune série d' jeux du qui fallo artrouver dins zin grand dessin , des objets qui y étotent camuchés,,

ch' jeu là i s appelo le trucmuche si j'em rappelle bin ,,,, si té trouvo tous ché zobjets té devo remplir eune grile, pi après l' rinvoyer à la voix du nord , pi après chéto pas cor sur que té ganes, vu qui yavo un tirage au sort ,,,,

mais au moins cha m occupo un momint ,,,

m' mère ale arplie sin tricot et ranche laine et aiguiles dans un panier,,,

yavo pas à dire aut' cosse, chéto un rituel , chacun i savo que chéto l heure d' juer au Diamino ,,,,,

quo que cha n' est que le Diamino ? Bin tout simplemint l ancetre du scrabble, ché pieches ale zétotent in bo,ché lettes avotent toutes eune valeur , yavo des jokers aussi, la seule différence ché que té juo sur eune tape, et qui yavo pas d' grilles du que té pouvo doubler ou tripler ché lettes ou meme ché mots ,,,,,

m' mère ale alo printre , escusez me du terme , « le slip » , in l appelo comme cha , ch' ét o m' sœur ainée , qui pour sin moquer, li avo donné ch' nom là ,,,

en fait chéto un tchiot sac en toile avec eune fichelle pour bin l' fermer in haut ( in fait chéto l' meme type d' sac en toile que m'mère ale fabrico pour mi pour y mette min gouter quand que j allo à l étute , d' l école loubet)

et d'dins bin sur , in y avo mis ché lettes in bo, qu in touillo bin à l interieur , avant d' pinte ché lettes quand que chéto not ' tour ,,,

j arvo min père tout concentré avec ses lettes , avec ch' bruit du tic tac en fond sonore ,,,,,,,
in intindo rin , jusqu à tant qui pose ché lettes ,et i ralo sur qui d ailleurs, pasque so il li manquo eune lette pour faire un 7 lettes, ou alors yavo pioché que des « mauvaises lettes » ,,,

à croire que chéto la faute d'em mère, qu ale avo pas du bin tout mélangé quand qu in arvo armis ché lettes dans le « slip » eune fo la partie d avant terminée

j avo 8 , 9 ans, et j' gagno pas souvint , et bin sur cha m énervo grav'mint que meme cha faijo douter mes parints à arjouer eune aut' partie dans la foulée ,,,,,

paraît que j éto mauvais jueur ,,,, savez ch'est comme toutes les légendes y a un tchiot peu d' vérité et grinmint d' brodaches autour ,,,,,

suffijo aussi qu' j' pique un tchiot peu du nez durant la partie, pour que m'mère ale disse , « ch est la derniere partie qu on fait , té dors debout » ,,

mi bin sur comme auro dit min père «  j ' m'ardresso d un metre » sum' cayelle, ch' éto trop tard , j' devro aller m' couquer juste après ,,,

oh j essayo bin d' faire trainer tout cha à la fin, en m' proposant d' ringer mi meme les pieches dans le « slip » ,,,,,,,,

pi après sans avoir l air de rien j em jetto sur un Fripounet ou un Akim color , mais m' mère ale veillo au grain

té vas faire pipi, té nous dit au revoir et té va t' couquer ,,,,,,,

bin sur j va essayer d' pas aller faire pipi, « j a pas invie » , mais faut y aller quand meme ,,,

la suite au prochain numéro comme on dit ,,,