siffler ou siffloter ?

siffler ou siffloter ?

siffler dins ses dogts ....

j' auro voulu vous dire que j in éto un espécialiste, mais j' sero un minteux.....

ouais j' el crie pas trop fort , pasque j in a presque honte, pasque pour mi , quand té savo siffler dins tes dogts, t'éto un homme ...

savez un peu comme dans l'temps , faire sin service militaire .....

bon cha , cha a été fait , mais pour in arvenir à siffler, j a jamais pu, j a jamais su , et pourtant ch'éto pas forche d' pas essayer ....

j' admiro ,et ch'est pas qu un mot, j admiro , l' père d un copain qui nous sifflo du bout del pature quand qui fallo qu' chin garchon i rinte .......

cor plus impressionnant quand qu in éto à coté d' li et qui sifflo pour appeler un voisin qui passo au fond , derriere ché gardins

i metto ses index dins l' bouque, et attintion té t in preno des décibels dins tes norelles .....

bon ,direz , ch'est un adulte , ch'est normal ...

j auro bin voulu vous suive, mais j avo des camarates qui sifflotent presque aussi bien et avec des méthodes différentes ..

in' n a qui metottent le pouce et l index dins l ' bouque, d autes in croisant les mains d' vant l'bouque....

sans parler d ' ceux qui n avotent qu à arplier l' langue dins leu gosier et qui sifflotent comme des chefs

mi j a jamais su , d' abord min père i sifflo pas , pi chéto pas bien d' siffler ché gins, cha ch'est m' mère qu ale dijo cha ...

pour terminer, j' do faire eune rectification , min père i sifflo pas...
nan, i siffloto, et rin qu à y pinser ...

j' voudro tant m artrouver du haut de mes 10 ans , au bord d' eune d' ses barraques, du qui coupo sin bo ......

i avo été livré d' sin carbon ,mis ché bouts d' raccourches d' coté...

asteure , fallo les couper in quat' pour in faire du p'tit bois pour alleumer ch' fourneau ou ché "convecteurs" au matin ...

comme min pére i avo eune gampe raite, i s asseyo sur eune cayelle , et i coupo sin bo sur eune espéce d' billot...

mi j avo été "réquisitionné" , chéto sin mot, pour li amener ché morciaux d' bo, et d' les ringer eune fo qui les avo coupés......

y a des coups cha parto dans tous les sens à mi d aller les ramasser, et tout l' temps qui coupo sin bo, j' diro pas qui sifflo in pourro dire qui souffleto , ouais chéto ch' mot juste

in fait i siffloto grinmint , quand qui bricolo, quand qui attindo quéquosse, ce qui avo l' don d enerver m' mère après minger , quand qu ale apporto ch' café ..

al ' avo toudis l impression qu in sifflotant i li dijo d aller plus vite ...

cha "comminche à dater" , plus de cinquante ans ch' t affaire, mais j' m in souviens comme si cha s' ' passo là , à l instant

d' ailleurs pour mi , dins m' tiete ch'est comme chi chéto hier ...