Les jardinsl' fête place Marmottan 1
par minloute le, 15/01/2006nous ché grands, enfin quand qu on avo 14 ans in éto presque des zadultes, faut dire, nous , not' centre d interet chéto les zautotamponeusses , i avo in bruit d' fous d' dins avec l' musique, y avo ché garnoules qui v'nottent souvent par deux , trois, et là cha commincho l' tri, ouais in raviso nos cibes, oh ché comme al' peque in invoyo souvint ch' bouchon mais i arvenno souvint sans prisses, pi i fallo avoir l arme fatale pour les séduire ché garnoules, l' mobylette
ouais té placho t' 101 ou t' 103 peugeot à coté dech' maneche, et té voyo ceux qui avottent cha i zétotent avantagés, mi j a jamais eu d' mobylette mais enfin in s' débrouillo quand meme , pi in faiso l' tri , alors ché puristes ravisez pas c' que ch' va écrire ensuite, zallez bondir, mais ché vrai , quand quo voyo qu eune garnoule qu ale parlo fort ch' patois, in l évito , pour nous chéto eune file d' famile tuyau d'poele
in essayo d' se rinseigner mais savez chéto pas évident d' connaite tout l' monte, Bruay ché grand et in vivo quand meme en quartier , in connaisso tout ch' poulailler du coin, mais connaite quéqu un du 3 quand t habito au 2 chéto pas évident
bon ins' consolo in faisant du tir al' carabine, in gagnant eune peluche à mon del' loterie , ou en mingeant un cornet d' frites et pi in rintro à l heure pasque ach' momint là cha rigolo pas , in éto des cendrillons et chéto pas à minuit qui fallo rintrer chéto 9 heures voir 10 heures maxi
