Les jardinsle sirop typhon, spectaque avec mr Sergent, école Loubet
par minloute le, 30/01/2006mr Sergent chéto pas un tendre , non j' peux pas dire cha , j' devro dire qui éto sévére et juste , avec li cha marcho al' baguette, mais y éto aussi très humain
un coup in a préparé un spectaque sul' canchon d' Richard Anthony, le sirop thypon, in éto déguisé en différents personnaches, mi j éto chti qui begayo, j avo un capio melon su'm' tiete et un faux nez et eune moustache
in devo faire ech' spectaque à la fete des zécoles mais y a eu un orache terripe au milieu del représentation des différentes zécoles , que tout l' monte i a courru à ché carettes et que l' fete al' s a fini comme cha
mais in a vécu eune aut' expérience, pasque l' maite l' lend'main, i nous a dit qui allo cacher pour qu in fasse quand meme el' représentation, qu in avo travaillé pour cha
bin ché super bin tombé, i a eu quéqu' temps aprés un repas des anciens al' salle des fetes d' bruay, et nous in a fait partie des attractions
chéto en fait plus impressionnant pour nous del faire là, pasque au stade parc pour el fete des zécoles, ché tribeunes ale zétotent cor loin d' nous, mais là chéto sur eune vraie scéne qu in a monté, ché gins i zétotent juste in bas d' nous ,mais j' peux vous dire qu in a été applaudi à tout rompe , chéto un spectaque gentillet, in éto contint d' nous , mais l' plus zimportant ch' cro ché qu in a sinti que ch' mait' i respecto not' traval et qu in a été au bout del démarche
