Les jardinspour en arvénir à l ascension sociale
par minloute le, 31/01/2006j a d'ja fait un artique ed sus, mais ché vrai
min père i devo poursuiffe ses étutes, mais quand que sin père i est mort, i avo 12 ans et tro mos, bin i a du aller travailler à la compagnie sinon s' mère ale perdo sin log'mint, et i fallo que l argent y rente
m' mère ché parel, ale devo et' institutrice, mais sin père i est mort qu ale avo 16 ans
tout comme min père , ale a pas eu eune semaine pour s in r'mette, sin père (chti qui avo été en algérie, y est mort à 47 ans) , y éto interré l' jeudi , le lundi aprés midi ale commincho comme secrétaire standardiste aux zouilleres , et elle avo jamais décroché un téléphone d' ess' vie
alors ché vrai cha a fait des générations sacrifiées, ché zinfants i finissotent vite l' école, pi apres ch' certificat d étutes, direction la compagnie des mines
quand qui zont eu des infants , bin l' éducation qu on leur donne in ' a eune bonne partie ché ché parints qui l' fournisse, alors chi ché parints i n ont pas poursuivi l école, cha n a pas fait progresser l' niveau du pas d' calais
et mi j'eul' voyo cor y a pas si longtimps , quand que j a fait des colonies avec des jones ed paris bin i zétotent plus jeunes qu' nous d' 4 ou 5 ans au plus , mais i zétotent plus "dévergondés" que nous
