Les jardinsService civique rural 1942
par Ch'Zio le, 14/02/2006Pindant l'occupation ches élev' d'collège ed pu d'seize ans, i devotes faire in mos d'service civique rural, à prindre su leus vacances d'été.
In août 1942, j'ai ouvré à l'ferme Wantier à Azincourt (Photo 1), dont l'ceinsier i étot prisonnier d'guerre in Allemagne. L'photo 2, ch'est mi, in plein ouvrache.
Mais i avot des risques à imployer des gamins sans expérience (photo 3) : j'm'avos perché tout in haut de ch'car ed blé, pour arvénir al ceinse. Ché sans doute cha qui l'a déséquilibré et l'a fait verser, in sortant dé ch'camp, dins l'tournant pour arprindre el route.
El pire, ch'est qué j'su arquéu assis su m'n'apparel photo, qui étot un peu raplati.
Je n'l'avos pas vu quand j'ai pris chel photo 3, qui n'est pas trop nette. Après, l'pellicule al voulot pu tourner dins ch'l'apparel. Mais, in m' mettant dins l'noir, j'ai réussi à sortir ech' film (pi al l'développer).
Heureusemint, dins ch'temps là, ches'apparels photo i s'étotent pas in plastique, mais in tôle. J'ai réussi à l'ardrécher et, comme j'avos pas les moyens d'in acater in aute, i a incor servi jusqu'in 1954
Photo 1 : Ferme Wantier à Azincourt ( Août 1942)
Photo 2 : Ch'Zio in plein ouvrache.
Photo 3 : Ch'car d'blé i a versé !
( 3 photos)
