Les jardinsMes peurs d'infant de Annie D-Pailliot
par annie62110 le, 13/03/2006Quand j'eto tiote ché sur j'avo peur ed Marie Pinchette, chelle qui siffle l'hiver din les cheminées et au coin d'ché rues
Grand'mere al diso qu' si ché tiots infants qui zetotent pas sages y pouvotent s'faire pincher!
Mais mi ché deux grosses biêtes qui courrotent les rues d'Fouquières in faisant d'zetincelles sur ché pavés qui m'faisotent vraimin peur, "les bidets de l'brasserie la revanche", quand y zetotent din m'rue, j'sorto pas, si j'les rincontro in allant à l'école j'traverso l'rue pour pas passer à coté d'eux ou j'faiso un grand detour, faut dire que cheto des biêtes énormes, magnifiques, mais vraimin gigantesque, pour l'tiote fille que j'eto, et pourtant à l'époque in eto moins in danger qu'a c't'heure, din les années cinquante les voitures al courrotent pas les rues
