Les jardinsChti ou français ??
par Marie-Claire le, 15/03/2006J' m'interroge par momint su l' pourquoi du commint y a des cops in écrit chti et d'autes fos in français
su ch'site in écrit gramint chti, au début in n'osot pon, in avot peur qu'tout l' monte i comprenne pas et avec minloute in étot aussi partis pour s'dire que si in voulot faire un peu d' l' histoire, chétot ptete miux in français
ben in n'a pas résisté et ché bien comme cha, même chés gins qui l'écrivent pon et qui l' parlent pus i comprennent in fait
Mi chétot min cas y a queques temps, j' l'avos jamais gramint parlé ni écrit mais j'el comprenos fort bien
pis l'écriture ché v'nu tout seu, enfin y a eu d' l'entrainemint quand même ... faut bien l'dire
Et pis j'pinsos aussi à aute cosse par rapport au chti et au français quand in écrit à quelqu'un qui parle chti aussi
ben y a des cops et j' sauros pas dire à quo qu' ché du, in écrit in chti pis d'un cop y a eune phrasse in français qui s'intercale ou l'contraire, et y a plein d' chosses qu'in raconte in chti et d'autes cha vient pas ou in treuve normal d' les dire in français, enfin j'sauros pas dire, ché eune question qu' j'em pose cor
